قازاقستاندىقتاردىڭ سانى 18 ميلليونعا جەتتى
بۇل تۋرالى Zakon.kz حابارلايدى.
«بىزدە 18 ميلليون حالىق بار. وڭىرلەر بويىنشا ءبىز ءبىرازدان بەرى مالىمەتتەردى جاريالاماعان ەدىك. نەگىزىندە ساناۋ ءار ون جىل سايىن جۇرگىزىلەدى، ءبىراق ول تۋرالى اقپارات تۇراقتى تۇردە جيناقتالىپ وتىرادى»، - دەدى ول.
«ءبىز سونىمەن قاتار، تۋۋ، ءولىم كورسەتكىشتەرىن ەسەپكە الىپ وتىرامىز. كەلەسى ايدا ونلاين-ەسەپتەگىش ورناتساق پا دەپ وتىرمىز. ول ارقىلى ادامدار حالىق سانىنىڭ قانشا بولعاندىعىن وزدەرى ءبىلىپ وتىرادى»، - دەپ اتاپ ءوتتى دالەنوۆ.
ق ر ۇ ە م ستاتيستيكا كوميتەتىنىڭ ءتوراعاسى نۇربولات ايداپكەلوۆ بۇدان دا ناقتىراق دەرەكتەردى كەلتىردى.
«بىزدە 1- مامىر كۇنى 17 ميلليون 994 مىڭ ادام بولدى. جالپى، ءبىر جىلدا 241 مىڭ ادامعا كوبەيگەن. رۋسلان ەربولات ۇلىنىڭ سوزىنە كەلەتىن بولساق، ءبىز ءالى 18 ميلليوندى بايقامادىق، ءبىراق، 1- مامىردا 17 ميلليون 994 مىڭ بولسا، وندا مامىر ايىندا قازاقستاندا حالىق سانى تاعى دا ارتۋى ءتيىس»، - دەدى ول.