اقمولا وبلىسىندا جاقىندا جىلىنا 180 مىڭ توننا كۇكىرت قىشقىلىن شىعاراتىن زاۋىت ىسكە قوسىلماق
بۇل تۋرالى ءوڭىر باسشىسى سەرگەي كۋلاگيننىڭ ستەپنوگور قالاسىنا جۇمىس ساپارى كەزىندە، جەرگىلىكتى وندىرىستىك جانە الەۋمەتتىك نىسانداردىڭ قىزمەتتەرىمەن تانىسۋى بارىسىندا ايتىلدى، دەپ حابارلاردى وبلىس اكىمىنىڭ باسپا ءسوز قىزمەتىنەن.
ەسكە سالا كەتسەك، ق ر پرەزيدەنتى نۇرسۇلتان نازاربايەۆتىڭ قاتىسۋىمەن وتكەن جالپى ۇلتتىق تەلەكوپىر اياسىندا «س پ س ك ز قاز اتوم ونەركاسىپ» » ج ش س ىسكە قوسۋ مەن جوندەۋ جۇمىستارى باستاۋ العان بولاتىن. جوبانى جۇزەگە اسىرۋ قۇنى 13,1 ميلليارد تەڭگەگە باعالانعان. بۇگىنگى كۇنى بۇل جەردە 184 ادام ەڭبەك ەتۋدە، ىسكە قوسىلعان كەزدە جۇمىسشىلار سانى 220 عا دەيىن ۇلعايماق. زاۋىتتىڭ ىسكە قوسىلۋى شىلدە ايىنىڭ ءۇشىنشى ونكۇندىگىنە جوسپارلانعان، العاشقى ءونىم تامىز ايىندا وندىرىلەتىن بولادى. «س پ س ك ز قاز اتوم ونەركاسىپ» ج ش س جىلىنا 180 مىڭ توننا كۇكىرت قىشقىلىن شىعاراتىن وندىرىستىك قۋاتتىلىققا يە.
نىساندى تاپسىرۋ ءبىرقاتار ماسەلەلەردىڭ شەشىلۋىن قامتاماسىز ەتەتىن بولادى. ەڭ باستىسى، قازاقستاندا العاش رەت تەمىر سۋلفيدىنەن قازاقستاندىق شيكىزات - كومالىق كۇكىرت ءوندىرۋ جۇزەگە اسىرىلىپ، «س پ س ك ز قاز اتوم ونەركاسىپ» ۇ ا ك ا ق كاسىپورىندارىنىڭ كۇكىرت قىشقىلىنا قاجەتتىلىگى، وعان قوسا كاسپي وڭىرىندەگى ەكولوگيالىق جاعدايعا كەرى اسەرىن تيگىزەتىن كۇكىرت وڭدەۋ ماسەلەسى دە شەشىلەتىن بولادى.
سەرگەي كۋلاگين زاۋىت باسشىلىعىنىڭ جوسپارلارىنا ساتتىلىك تىلەپ، ءوندىرىستىڭ ىسكە قوسىلۋ مەرزىمىنىڭ ساقتالۋىن قاداعالاۋدى تاپسىردى.
«جاڭا ءوندىرىس - بۇل قاشاندا جاڭا جۇمىس ورىندارى عانا ەمەس، بۇل سالىق قورىنا اۋدارىمدار مولشەرىنىڭ ۇلعايۋى، بۇل ءوڭىر ءۇشىن وتە ماڭىزدى»، - دەدى وبلىس اكىمى.
ءوڭىر باسشىسى سونداي- اق، زاۋىت ماڭىن اباتتاندىرۋعا كوپ كوڭىل بولۋگە شاقىردى. سونداي- اق، وبلىس اكىمى ستەپنوگور قالاسىنداعى 280 ورىندىق بالالار باقشاسىنىڭ قۇرىلىسىمەن جانە پاركوۆايا كوشەسىنىڭ بويىنداعى جوندەۋ جۇمىستارىمەن دە تانىستى.
اۆتور: اسلان وسپانوۆ
