11:15, 05 - ماۋسىم 2019 | GMT +6
ءتورت اي ىشىندە قازاقستاننان شەتەلگە 170 ميلليارد تەڭگە اۋدارىلعان
نۇر-سۇلتان. قازاقپارات - قازاقستاننان اۋدارىلاتىن اقشانىڭ ۇشتەن ەكى بولىگى رەسەيگە، وزبەكستان مەن تۇركياعا كەتىپ جاتىر، دەپ حابارلايدى قازاقپارات ranking.kz سىلتەمە جاساپ.
«2019 -جىلدىڭ قاڭتار مەن ءساۋىر ايلارىنىڭ قورىتىندىسى بويىنشا قازاقستاننان شەتەلگە 172,8 ميلليارد تەڭگە اۋدارىلعان. بۇل 2018 -جىلدىڭ ءتيىستى كورسەتكىشىنەن قاراعاندا 8,6 پايىزعا ارتىق. سونىمەن بىرگە، ترانزاكسيا سانى دا 1 پايىزعا ازايىپ، 775,8 مىڭدى كورسەتكەن»، - دەلىنگەن ranking مالىمەتىندە.
اقشانىڭ باسىم بولىگى حالىقارالىق اقشا اۋدارىمدار جۇيەسى ارقىلى رەسەيگە جونەلتىلگەن (65,1 ميلليارد تەڭگە). بۇل - 2018 -جىلدىڭ 4 ايىنىڭ كورسەتكىشىنەن 6,4 پايىزعا از.
ەكىنشى ورىندا وزبەكستان تۇر. ول جاققا اۋدارىلعان اقشانىڭ مولشەرى 26,5 ميلليارد تەڭگەمەن ءبىر جىلدىڭ ىشىندە 36,2 پايىزدىق وسىمگە جەتكەن. العاشقى ۇشتىكتى تۇركيا تۇيىندەيدى (25,8 ميلليارد تەڭگە، +41,2 پايىز).