قازاقستاندا 170 مىڭ وتباسى الەۋمەتتىك كومەكتى الدى
ەلباسىنىڭ «الەۋمەتتىك قامقورلىق» الەۋمەتتىك شارالارىن جۇزەگە اسىرۋ اياسىندا 1- ساۋىرىنەن باستاپ جاڭارتىلعان اتاۋلى الەۋمەتتىك كومەك (ا ا ك) الۋعا قۇجاتتار قابىلدانا باستالدى. وتىنىشتەردى جۇمىسپەن قامتۋ ورتالىقتارى جانە اۋىل اكىمدىكتەرى قابىلدادى.
مينيسترلىكتىڭ مالىمەتىنشە، بيىل 1- ساۋىردەن 13- مامىرعا دەيىن «ە-حالىق» جۇيەسى ارقىلى بارلىعى 230032 ءوتىنىش (1242954 ادام) قابىلداندى، ونىڭ ىشىندە 181652 (973624 ادام) جاڭا ءوتىنىش. 48380 وتباسىعا (269330 ادام) بۇرىن تاعايىندالعان سوما قايتا ەسەپتەلگەن.
ءوتىنىش بەرۋشىلەردىڭ باسىم بولىگى كەلەسى وڭىرلەردەن تىركەلگەن: تۇركىستان وبلىسىندا - 54723 وتباسى، شىمكەنت قالاسىندا - 31084 وتباسى، الماتى جانە جامبىل وبلىستارىندا 24443 جانە 24029 وتباسى.
بۇگىنگى كۇنى 169770 وتباسىعا جالپى قۇنى 25,3 ميلليارد تەڭگە بولاتىن جاڭارتىلعان فورماتتاعى اتاۋلى الەۋمەتتىك كومەك تولەندى.
«ق ر ەڭبەك جانە حالىقتى الەۋمەتتىك قورعاۋ مينيسترلىگى اتاۋلى الەۋمەتتىك كومەك ءوتىنىش بەرگەن ايدان باستاپ تاعايىندالاتىنىن جانە ءوتىنىش بەرۋ كۇنىنە تاۋەلدى ەمەس ەكەنىن ەسكە سالادى»، دەلىنگەن حابارلامادا.
ەلباسىنىڭ تاپسىرماسىنا سايكەس، قازاقستاندا بيىل 1- ساۋىردەن باستاپ ا ا ك مولشەرى كۇنكورىس دەڭگەيىنىڭ %50 نان %70 ىنا دەيىن كوتەرىلىپ، 20789 تەڭگەنى قۇرادى. بۇل رەتتە، ەگەر ا ا ك- ءتىڭ ورتاشا مولشەرى وتباسىنىڭ ءاربىر مۇشەسىنە بۇرىن 4834 تەڭگەنى قۇراعان بولسا، ەندى ءار بالاعا 20789 تەڭگە تولەنەدى.
2019-جىلى اتاۋلى الەۋمەتتىك كومەككە بارلىعى 130 ميلليارد تەڭگەدەن استام قاراجات كوزدەلگەن.