استاناعا 16 جىل ىشىندە 5 ترليون تەڭگە سالىندى - ي. تاسماعامبەتوۆ

 استانا. قازاقپارات - استاناعا 16 جىل ىشىندە شامامەن 5 ترليون تەڭگە سالىندى. بۇل تۋرالى بۇگىن «استانا ينۆەست-2014» 5- حالىقارالىق ينۆەستيتسيالىق فورۋمنىڭ اشىلۋىندا ەلوردا اكىمى يمانعالي تاسماعامبەتوۆ ايتتى.

 قالا باسشىسىنىڭ اتاپ وتۋىنشە، ەلباسى ن. نازاربايەۆتىڭ تۇراقتى نازار اۋدارۋىنىڭ ارقاسىندا قالاعا ينۆەستيتسيا تارتۋ ەڭ ءبىرىنشى كەزەكتەگى باسىمدىققا اينالىپ وتىر. سونىڭ ناتيجەسىندە قىسقا عانا ۋاقىتتىڭ ىشىندە قالا قارقىندى دامۋ جولىنا ءتۇستى.

«وسى ۋاقىت ارالىعىندا قالا حالقى شامامەن 3 ەسەگە، ىشكى جالپى ءونىمى 54 ەسە ارتتى. ال استانانىڭ ج ءى ءو- دەگى ۇلەسى 6 ەسەگە، ينۆەستيتسيا 28 ەسەگە ۇلعايدى. 16 جىلدىڭ ىشىندە استاناعا 4 ترليون 780 ميلليارد تەڭگە قۇيىلدى» ، - دەدى ەلوردا اكىمى.

 ي. تاسماعامبەتوۆتىڭ ايتۋىنشا، استانا ەلوردا بولعالى بەرى 12 ميلليون شارشى مەتر باسپانا سالىندى. ونىڭ شامامەن 6 ميلليون شارشى مەترى سوڭعى 4 جىلعا تيەسىلى. قۇرىلىس سالاسىنىڭ قارقىن الۋىنان قالانىڭ يندۋستريالدى دامۋى دەڭگەيى قالىپتاسىپ وتىر.

«بىزدەر ءۇشىن قالادا الەمدىك تانىمالدىققا يە ءوندىرىس وشاقتارىنىڭ اشىلۋى بارىنشا ماڭىزدى. وتكەن جىلدىڭ وزىندە عانا ءوندىرىستىڭ جالپى كولەمى جارتى ميلليارد دوللارعا جەتتى» ، - دەدى ول.

اۆتور: مارلان جيەمباي