الماتىدا جوعالىپ كەتكەن 15 جاستاعى قىز تابىلدى

الماتى. قازاقپارات - الماتىدا جوعالىپ كەتكەن 9-سىنىپ وقۋشىسى جانسايا جاعىپبەرديەۆا تابىلدى.

بۇل تۋرالى «قازاقپارات» تىلشىسىنە قىزدىڭ اناسى باقىتجامال جولمۋحامەدوۆا حابارلادى.

«ءيا، تابىلدى. قولداۋ كورسەتكەندەرىڭىزگە مىڭ العىس. كەشە رايىمبەك-وتەگەن باتىر كوشەلەرىندە ونى تاپقان. قىزىم ۇيدە. ول 20- شىلدە كۇنى كوللەدجدى ارالاۋعا قايدا قۇجات تاپسىرۋعا بولاتىنىن ءبىلۋ ءۇشىن ۇيدەن شىعىپ كەتكەن. تاڭەرتەڭ 11:00 دە شىعىپ، كەشكى 18:30 دا ءۇي ماڭىندا ەكەنىن ايتتى. ءبىراق، كەشكى 21:00 دە ۇيگە كەلمەگەندىكتەن مەن كومەك سۇراي باستادىم»، - دەدى ب. جولمۋحامەدوۆا.

اناسىنىڭ ايتۋىنشا، ول وسى ۋاقىت ارالىعىندا قۇربىلارىمەن بىرگە بولعان ەكەن.

«پوليتسەيلەر ايتقاننان كەيىن، مەن وعان ۇرسقانىم جوق»، - دەيدى قىزدىڭ اناسى.

ەسكە سالا كەتەيىك، بۇعان دەيىن الماتى قالاسىندا 2000-جىلى 8- قىركۇيەكتە تۋعان جانسايا جاعىپبەرديەۆانى اتا-اناسى ءۇش كۇننەن بەرى ىزدەپ جاتقانىن حابارلاعان بولاتىنبىز.

9-سىنىپ وقۋشىسى سوڭعى رەت اناسىنا سەيفۋللين-ماقاتايەۆ كوشەلەرىندە جۇرگەنىن ايتىپ، جارتى ساعاتتا كەلەمىن دەپ، ۇيگە ورالماعان. سول كۇنى اتا-اناسى ءى ءى د ارىز بەردى.