قىتايدان 150 دەن استام ادام جەتكىزىلەدى - مۇحتار تىلەۋبەردى
«مەديتسينالىق قولعاپتار (1 ميلليون دانا) جانە ماسكالار (500 مىڭ دانا) تۇرىندە قىتايعا گۋمانيتارلىق كومەك كورسەتۋ ماسەلەسى پىسىقتالدى.
كوروناۆيرۋستىڭ تارالۋ ەپيتسەنترى بولىپ تابىلاتىن ۋحان قالاسىنان 83 قازاقستاندىق ازاماتتى ەۆاكۋاتسيالاۋ ماسەلەسى كەلىسىلدى جانە قامتاماسىز ەتىلدى. سونىمەن قاتار، ديپلوماتيالىق ارنالار ارقىلى تۇسكەن وتىنىشتەرگە سايكەس، ەاەو ەلدەرىنىڭ 24 ازاماتىن (18- ءى قىرعىزستان، 5- ءى بەلارۋس جانە 1- ءى ارمەنيا) ەۆاكۋاتسيالاۋعا كومەك كورسەتىلدى. نۇر- سۇلتان ق. كەلگەننەن كەيىن بىشكەككە قايتارىلعان قىرعىزستان ازاماتتارىنان باسقالارىنىڭ بارلىعى كارانتينگە ورنالاستىرىلدى»، - دەدى مينيستر.
سونىمەن قاتار ۆەدومستۆو باسشىسى 12 - اقپاندا قازاقستانعا جەتكىزىلەتىن ادامدار تۋرالى ايتتى.
«قىتاي تاراپىمەن قول جەتكىزىلگەن ۋاعدالاستىقتارعا سايكەس، بۇگىن تاڭەرتەڭ 217 قازاقستان ازاماتى «ەير- استانا» اۋەكومپانياسىنىڭ ۇشاعىمەن نۇر- سۇلتان قالاسىنا جەتكىزىلدى، ال 155 قازاقستاندىق 12 - اقپاندا قايتارىلادى دەپ جوسپارلانىپ وتىر»، - دەدى م. تىلەۋبەردى.
ونىڭ ايتۋىنشا، بيىلعى 10 جانە 12 - اقپانداعى ەۆاكۋاتسيادان كەيىن قىتاي اۋماعىندا قازاقستانعا قايتۋدان باس تارتقان 343 قازاقستان ازاماتى، ونىڭ ىشىندە ءبىزدىڭ شەتەلدەگى مەكەمەلەردىڭ قىزمەتكەرلەرى مەن وتباسى مۇشەلەرى قالادى.
«ق ر ەلشىلىگى ق ح ر ءبىلىم مينيسترلىگى جانە جوعارى وقۋ ورىندارىمەن بىرلەسىپ، قازاقستاندىقتاردى قاجەتتى مەديتسينالىق جابدىقتارمەن، تاماقپەن قامتاماسىز ەتۋدى جۇزەگە اسىرۋدا. ق ر سىرتقى ىستەر مينيسترلىگى مەن ونىڭ ق ح ر- داعى بارلىق شەتەلدىك مەكەمەلەرىندە قازاقستان ازاماتتارىنا كەڭەس بەرۋ ءۇشىن جەدەل جەلىلەر قۇرىلدى»، - دەدى مينيستر.
بۇدان بۇرىن حابارلانعانداي، ۇكىمەت وتىرىسىندا قر دەنساۋلىق ساقتاۋ ءمينيسترى ەلجان ءبىرتانوۆ قىتاي استاناسى بەيجىڭنەن قازاقستاننىڭ 217 ازاماتى ەۆاكۋاتسيالانعانىن ايتتى.
اۆتور رۋسلان عابباسوۆ
