ناۋرىزدىڭ 14 ىنەن باستاپ eGov.kz پورتالىنا كىرۋ ءتارتىبى وزگەرەدى
بۇل تۋرالى eGov.kz پورتالىنىڭ الەۋمەتتىك جەلىدەگى رەسمي پاراقشالارىندا «ماڭىزدى اقپارات!» ايدارىمەن مالىمەت پايدا بولدى.
https://fb.watch/bInyUwmKEi/ «14- ناۋرىزدان باستاپ eGov.kz پورتالىنىڭ پايدالانۋشىلارى ءۇشىن لوگين/پارول جانە ءبىر رەتتىك س م س ارقىلى كىرۋ جەكە-جەكە قول جەتىمسىز بولادى. ەندى eGov.kz پورتالىنداعى دەرەكتەر ەكى فاكتورلى اۋتەنتيفيكاتسيامەن قورعالادى.
ولار: • لوگين / ج س ن ەنگىزۋ؛ • قۇپيا ءسوزدى ەنگىزۋ؛ • موبيلدى ازاماتتار بازاسىندا تىركەلگەن تەلەفون نومىرىنە جىبەرىلەتىن ءبىر رەتتىك س م س- كودتى ەنگىزۋ ارقىلى كىرۋدى راستاۋ قاجەت. وسىلايشا قاۋىپسىزدىكتىڭ جوعارى دەڭگەيى قامتاماسىز ەتىلەدى»، - دەلىنگەن حابارلامادا.
اتالعان ارەكەتتەردى كومپيۋتەر ارقىلى قالاي ىسكە اسىرۋعا بولاتىنى تۋرالى بەينە-نۇسقاۋ دا بەرىلگەن.
«ەندى eGov پورتالىنا كىرۋ ءۇشىن پايدالانۋشىلار لوگين نەمەسە ج س ن- ءدى ەنگىزىپ، قۇپيا ءسوزدى تەرۋ قاجەت. تەلەفون نومىرىنە جىبەرگەن ءبىر رەتتىك SMS- كودتى ەنگىزۋ ارقىلى كىرۋدى راستاۋ كەرەك. وسىلايشا قاۋىپسىزدىكتىڭ جوعارى دەڭگەيى قامتاماسىز ەتىلەدى»، - دەلىنگەن بەينە-نۇسقاۋدا.
