1,3 تريلليون تەڭگەدەن اساتىن 128 سالىق جەڭىلدىگىن الىپ تاستاۋ ۇسىنىلدى - كودەكس جوباسى
استانا. KAZINFORM - قولدانىستاعى 453 سالىق جەڭىلدىگىنىڭ 128 ى الىنىپ تاستالۋى مۇمكىن. ماجىلىستە سالىق كودەكسىنىڭ جاڭا رەداكسياسىن تانىستىرعان پرەمەر-ءمينيستردىڭ ورىنباسارى - ۇلتتىق ەكونوميكا ءمينيسترى سەرىك جۇمانعارين وسىنداي دەرەك كەلتىردى.
- ءبىز سالىق جەڭىلدىكتەرىن وڭتايلاندىرامىز. سالىق دەكلاراتسيالارىنىڭ دەرەكتەرى بويىنشا سوماسى 3,4 تريلليون تەڭگەنى قامتيتىن 453 نورما جەڭىلدىك دەپ تانىلدى. بۇگىنگى تاڭدا سوماسى 1,3 تريلليون تەڭگەدەن اساتىن 128 سالىق جەڭىلدىگىن الىپ تاستاۋ ۇسىنىلىپ وتىر، - دەدى ۆيتسە-پرەمەر.
سەرىك جۇمانعارين ۇكىمەت بۇل ماسەلەدە اشىق جاڭا جۇيە قۇرىپ جاتقانىن ەسكە سالدى.
- ءبىز سالىقتىق جەڭىلدىك تۋرالى تۇسىنىك بەرەمىز. جەڭىلدىكتەردى بەرۋ، ۇزارتۋ، قىسقارتۋ شارتتارىن بەلگىلەيمىز. جىل سايىن ولاردىڭ تيىمدىلىگىنە مونيتورينگ جۇرگىزىلەتىن بولادى، - دەدى ول.
ايتا كەتۋ كەرەك، سالىق كودەكسىنىڭ جاڭا رەداكسياسىندا ق ق س سالىناتىن اينالىمنىڭ تومەنگى شەگىن 40 ميلليون تەڭگە دەپ بەلگىلەۋ ۇسىنىلىپ وتىر.
اۆتور
ەسىمجان ناقتىباي
