جۇرگىزۋشى كۋالىگى ورنىنا كورسەتۋگە بولاتىن 12 قۇجات
ءى ءى م اكىمشىلىك پوليتسيا كوميتەتى باسشىسىنىڭ ورىنباسارى سەرىك ءتۇسىپوۆ جۇرگىزۋشىلەرگە قانداي قۇجات قاجەت ەكەنىن ءتۇسىندىردى.
«زاڭ بويىنشا جەكە باستى كۋالاندىراتىن 12 قۇجات بار. جۇرگىزۋشى وسى قۇجاتتاردىڭ ءبىرىن كورسەتۋگە قۇقىلى. ال ساندىق قۇجاتتارعا كەلەر بولساق، بۇل باعىت ءالى دامىپ جاتىر. ازىرگە زاڭعا سايكەس، جەكە باستى تەك ماتەريالدى قۇجاتتار عانا كۋالاندىرا الادى»، - دەيدى ءى ءى م وكىلى.
قازاقستان رەسپۋبليكاسىنىڭ 2013 -جىلعى 29 قاڭتارداعى № 73-V «جەكە باستى كۋالاندىراتىن قۇجاتتار تۋرالى» زاڭىنىڭ 2 بابىندا جەكە باستى كۋالاندىراتىن قۇجاتتاردىڭ ءتىزىمى كورسەتىلگەن. وعان مىنا قۇجاتتار جاتادى:
1. قازاقستان رەسپۋبليكاسى ازاماتىنىڭ پاسپورتى؛
2. قازاقستان رەسپۋبليكاسى ازاماتىنىڭ جەكە كۋالىگى؛
3. شەتەلدىكتىڭ قازاقستان رەسپۋبليكاسىندا تۇرۋىنا ىقتيارحات؛
4. ازاماتتىعى جوق ادامنىڭ كۋالىگى؛
5. قازاقستان رەسپۋبليكاسىنىڭ ديپلوماتيالىق پاسپورتى؛
6. قازاقستان رەسپۋبليكاسىنىڭ قىزمەتتىك پاسپورتى؛
7. بوسقىن كۋالىگى؛
8. قازاقستان رەسپۋبليكاسى تەڭىزشىسىنىڭ جەكە كۋالىگى؛
9. شەتەل ءتولقۇجاتى؛
10. قايتىپ ورالۋعا ارنالعان كۋالىك؛
11. تۋۋ تۋرالى كۋالىك؛
12. جول ءجۇرۋ قۇجاتى.
massaget.kz