زەينەتاقى جيناعىن پايدالانۋ: 127 مىڭ سالىمشىدان ءوتىنىش ءتۇستى
2021-جىلدىڭ 15- اقپانىنداعى جاعداي بويىنشا ءبىرىڭعاي جيناقتاۋشى زەينەتاقى قورىنا ۋاكىلەتتى وپەراتورلاردان مەرزىمىنەن بۇرىن تولەمدەردى جۇزەگە اسىرۋعا ماقساتتى پايدالانۋ ءۇشىن 127357 سالىمشىنىڭ ءوتىنىشى كەلىپ ءتۇستى. 78074 ءوتىنىش ورىندالدى جانە سالىمشىلار ۋاكىلەتتى وپەراتورلاردا اشىلعان وزدەرىنىڭ ارنايى شوتتارىنا ءبىرجولعى زەينەتاقى تولەمدەرى (ب ز ت) تۇرىندە شامامەن 423,7 ميلليارد تەڭگە الدى. تولەمدەردىڭ ورتاشا سوماسى 5,4 ميلليون تەڭگە. تاعى 45,3 ميلليارد تەڭگەدەن استام سوماعا 8636 ءوتىنىش تولەمدەردى جۇزەگە اسىرۋ ءۇشىن وڭدەلۋدە.
40,6 مىڭ ءوتىنىش زاڭناما تالابىنا ساي كەلمەگەندىكتەن، قاراستىرىلمايدى. ءوتىنىش سانى بويىنشا ءالى دە الماتى (%19,8)، نۇر-سۇلتان قالاسى (%16,2) مەن ماڭعىستاۋ وبلىسى (%15,4) الدا.
ەسكە سالساق، 2021-جىلى 2- قاڭتاردا ق ر پرەزيدەنتى قاسىم-جومارت توقايەۆ زەينەتاقى جيناعىنىڭ ءبىر بولىگىن ماقساتتى پايدالانۋعا قاتىستى زاڭعا قول قويدى. قازاقستاندىقتاردىڭ زەينەتاقى جيناقتارىن پايدالانۋ ءۇشىن جاڭارتىلعان «جەتكىلىكتىلىك شەگى» جاريالاندى.
زەينەتاقى جيناعىنان الۋعا بولاتىن سوما ب ج ز ق سايتىندا اۆتوماتتى تۇردە كورسەتىلەدى.
23- قاڭتاردان قازاقستاندا زەينەتاقىنىڭ ءبىر بولىگىن الۋعا ءوتىنىم قابىلداۋ باستالدى. ارنايى پورتالدا زەينەتاقىنىڭ ءبىر بولىگىن الۋعا ءوتىنىم قابىلداۋ باستالعالى ءۇش ساعاتتىڭ ىشىندە 4 مىڭنان استام ادام ءوتىنىش بەردى.