قازاقستان بيىل 11 جاڭا ۇشاق ساتىپ الادى

استانا. قازاقپارات - 2023-جىلى قازاقستانعا 11 جاڭا ۇشاق جەتكىزىلەدى. بۇل تۋرالى ق ر يندۋستريا جانە ينفراقۇرىلىمدىق دامۋ ۆيتسە-ءمينيسترى الماز ىدىرىسوۆ ايتتى، دەپ حابارلايدى قازاقپارات ءتىلشىسى.

«اۋە رەيستەرى سانىن كوبەيتۋ ءۇشىن كومپانيالارمەن بىرلەسىپ ۇشاقتار پاركىن تولىقتىرۋ جوسپارى قابىلداندى. بىلتىر 14 ساتىپ الىنسا، بيىل 11 ۇشاق جەتكىزىلەدى. جالپى، 2025-جىلدىڭ سوڭىنا دەيىن پاركە تاعى دا 42 ۇشاق قوسىلادى. وسى ورايدا ۇشاقتاردىڭ سانى 132 گە جەتەدى»، - دەدى ا. ىدىرىسوۆ سەناتتا ەلىمىزدەگى اۋە كولىگى ماسەلەلەرىنە قاتىستى جيىن بارىسىندا.

ونىڭ پايىمىنشا، اۋە كولىگىنىڭ سانى كوبەيگەن جاعدايدا تۇراقتى رەيستەر ارتىپ، بيلەت ارزاندايتىن بولادى.

بۇدان بۇرىن حابارلانعانداي، بيىل 10 عا جۋىق حالىقارالىق باعىت بويىنشا رەيستەر اشىلماق.

قازىرگى كەزدە اۋە كولىگى سالاسىندا 6 قازاقستاندىق تاسىمالداۋشى 56 ىشكى باعدار بويىنشا اپتاسىنا 706 رەيستى ورىنداپ كەلەدى.