بيىل كوكشەتاۋدا كوپپاتەرلى 11 تۇرعىن ءۇي پايدالانۋعا بەرىلەدى - فوتو
بۇل تۋرالى بۇگىن وبلىس اكىمى سەرگەي كۋلاگيننىڭ جۇمىس بابىمەن قالاداعى ءبىرقاتار قۇرىلىس نىساندارىندا بولعانىندا ايتىلدى، دەپ حابارلادى وبلىس اكىمىنىڭ باسپا ءسوز قىزمەتىنەن.
ءوڭىر باسشىسى الدىمەن كوكشەتاۋداعى «ۆاسيلكوۆكا» شاعىناۋدانىندا جاڭادان سالىنىپ جاتقان 30 پاتەرلى ەكى بەس قاباتتى تۇرعىن ءۇي، 35 پاتەرلى جەتى قاباتتى، 45 پاتەرلى توعىز قاباتتى جانە 30 پاتەرلى ءتورت تۇرعىن ۇيدە بولدى.
ەسكە سالا كەتسەك، 2015 -جىلى كوكشەتاۋ قالاسىندا بارلىعى كوپپاتەرلى 11 تۇرعىن ءۇي تۇرعىزۋ جوسپارلانعان. وسىعان بايلانىستى اۋماعى 26 مىڭ شارشى مەتردەن استام باسپانا پايدالانۋعا بەرىلەتىن بولادى.
قازىرگى كەزدە اباتتاندىرۋ جۇمىستارى اياقتالۋ ۇستىندە جانە الداعى 10 كۇننىڭ ىشىندە 150 تۇرعىنعا «تۇرعىن ءۇي قۇرىلىس جيناق بانكى» ا ق ارقىلى 30 پاتەرلى بەس تۇرعىن ۇيدەن جاڭا پاتەردىڭ كىلتى تاپسىرىلماق.
اۆتور: اسلان وسپانوۆ