استانا قالاسى ءتارتىپ ساقشىلارىنىڭ شتاتى 1187 بىرلىككە ارتادى
دەپ حابارلادى astana.gov.kz.
«ءبىز EXPO-2017 كورمەسىن وتكىزۋ قاۋىپسىزدىگى بويىنشا تۇجىرىمداما ازىرلەدىك، رەسپۋبليكالىق شتاب قۇرىلدى، وعان كۇش قۇرىلىمدارى وكىلدەرى ەندى. سونداي- اق، كورمە كەزىندە قوعامدىق ءتارتىپتى كۇزەتۋگە تىكەلەي قاتىساتىن استانا ءى ءى د شتاتىن ۇلعايتۋ جونىندە ۇسىنىس ەنگىزدىك. بۇگىندە رەسپۋبليكالىق بيۋدجەت كوميسسياسى قالالىق ءى ءى د شتات سانىن 1187 بىرلىككە كوبەيتۋدى ماقۇلدادى. بيىل 229 بىرلىك، 2015 - جىلى 200 بىرلىككە كوبەيتىلەدى، قالعان 987 ورىن 2016 - جىلى بولىنەدى»، - دەدى تۇرعىمبايەۆ ماجىلىستە EXPO-2017 كورمەسىنە دايىندىق بارىسى تۋرالى وتىرىستا.
ۆيتسە- ءمينيستردىڭ ايتۋىنشا، EXPO كورمەسىن وتكىزۋ كەزىندە 2 پەريمەتر بەلگىلەنەدى، جەكە قۇرامعا اعىلشىن ءتىلىن وقىتۋ ماسەلەسى قاراستىرىلادى. بۇدان باسقا، تۋريستەر كەلەتىن جانە ورنالاساتىن ورىنداردا - ۆوكزال ماڭى اۋماقتارىندا، اۋەجايلاردا ءتارتىپ ساقشىلارى كۇشەيتىلگەن رەجيمدە جۇمىس ىستەيتىن بولادى.
