تەڭگە دەپوزيتتەرىنە 10 پايىز كولەمىندە سىياقى قوسىلادى - ۇلتتىق بانك مالىمدەمە جاسادى

نۇر- سۇلتان. قازاقپارات - قارجى نارىعىنداعى گەوساياسي تاۋەكەلدەر مەن قۇبىلمالىلىقتىڭ ءوسۋى اياسىندا قارجى نارىعىنىڭ تۇراقتىلىعىن قامتاماسىز ەتۋ جانە تەڭگەدەگى دەپوزيتتەردىڭ تارتىمدىلىعىن قولداۋ ءۇشىن

ۇلتتىق بانك ق ر ۇكىمەتىمەن بىرلەسىپ بيۋدجەت قاراجاتىنىڭ ەسەبىنەن جەكە تۇلعالاردىڭ دەپوزيتتەرى بويىنشا وتەماقى (سىيلىق اقى) ەسەپتەۋدى كوزدەيتىن تەڭگەدەگى سالىمداردى قورعاۋ باعدارلاماسىن ىسكە اسىرادى، دەپ حابارلايدى قازاقپارات.

باعدارلاماعا قاتىسۋعا 2022 -جىلعى 23 - اقپان كۇنىنىڭ سوڭىنداعى جاعداي بويىنشا سالىمدارعا كەپىلدىك بەرۋ جۇيەسىنە قاتىسۋشى - ءبىر نەمەسە بىرنەشە ەكىنشى دەڭگەيدەگى بانكتە جانە «وتباسى بانك» اكسيونەرلىك قوعامىندا اشىلعان جەكە تۇلعالاردىڭ تەڭگەدەگى سالىمدارى قاتىسادى. باعدارلاما اعىمداعى جانە كارتوچكالىق شوتتارعا، سونداي- اق تالاپ ەتىلگەنگە دەيىنگى دەپوزيتتەرگە جانە شارتتى دەپوزيتتەرگە قولدانىلمايدى.

% 10 مولشەرىندەگى وتەماقى (سىيلىق اقى) ءاربىر بانكتە 1 ادامعا 2022 -جىلعى 23 -اقپان كۇنىنىڭ سوڭىنداعى قالدىقتار شەگىندەگى جالپى سومادا، ءبىراق باعدارلامانى ىسكە اسىرۋ باستالعان كەزدەن باستاپ 12 ايدان كەيىن 20 ميلليون تەڭگەدەن اسپايتىن سوماداعى (سالىمنىڭ ناقتى سوماسى 20 ميلليون تەڭگەدەن اسپايتىن بولسا، سول سومادان استام ەمەس) كورسەتىلگەن سالىمدارعا 1 رەت ەسەپتەلەدى. وتەماقىعا (سىيلىق اقىعا) جەكە تابىس سالىعى سالىنبايدى. ەكىنشى دەڭگەيدەگى بانكتەگى سالىم مەرزىمىنىڭ سوڭىنا دەيىن، ءبىراق تەتىك ەنگىزىلگەن ساتتەن باستاپ كەمىندە 12-اي ياعني 2023 -جىلعى 24 - اقپانعا دەيىن سالىمدى ساقتاۋ – سىيلىق اقىنى ەسەپتەۋ ءۇشىن مىندەتتى تالاپ. ەگەر سالىم مەرزىمى وتەماقى (سىيلىقاقى) تولەنگەنگە دەيىنگى كەزەڭدە اياقتالسا، دەپوزيت باعدارلامانىڭ اياقتالۋ مەرزىمىنە دەيىن ۇزارتىلۋى ءتيىس. سالىمدى ءىشىنارا الۋ كەزىندە وتەماقىنى (سىيلىق اقىنى) تولەۋ جوعارىدا كورسەتىلگەن ليميتتەردى ەسكەرە وتىرىپ، اقشا الىنعاننان كەيىن سالىم قالدىعىنىڭ سوماسىنا جۇزەگە اسىرىلادى. جۋىردا ۇكىمەت پەن ۇلتتىق بانكتىڭ ءتيىستى اكتىلەرى قابىلدانادى. باعدارلاماعا قاتىسۋ ءۇشىن سالىمشىلار سالىم ورنالاسقان ەكىنشى دەڭگەيدەگى بانككە بارىپ ءوتىنىش بەرۋى قاجەت.