قاسىم- جومارت توقايەۆ ەكى ايدا الەمدىك دەڭگەيدەگى 10 سامميت پەن فورۋمعا قاتىستى
پرەزيدەنت قاسىم- جومارت توقايەۆ ەكىجاقتى جانە كوپجاقتى فورماتتا وتكەن ءبىرقاتار ءىرى جيىنعا، سونىڭ ىشىندە تۇرىكمەنستانداعى ورتالىق ازيا مەملەكەتتەرى باسشىلارىنىڭ كونسۋلتاتيۆتى كەزدەسۋىنە، تاجىكستانداعى ۇقشۇ مەن شىۇ سامميتتەرىنە قاتىستى، كورەيا رەسپۋبليكاسىنا مەملەكەتتىك ساپارمەن جانە رەسەي فەدەراتسياسىنا جۇمىس ساپارىمەن باردى.
سونىمەن قاتار دۋشانبەدە يران پرەزيدەنتىمەن جانە پاكىستاننىڭ پرەمەر- مينيسترىمەن جەكە- جەكە كەزدەسۋلەر وتكىزدى. قاسىم- جومارت توقايەۆ ۇ ق ش ۇ- نىڭ بەيرەسمي سامميتىندە، شىعىس ەكونوميكالىق فورۋمىندا جانە قازاقستان مەن رەسەي اراسىنداعى ءوڭىرارالىق ىنتىماقتاستىق فورۋمىندا بەينەبايلانىس رەجيمىندە ءسوز سويلەدى.
21-28 -قىركۇيەك ارالىعىندا مەملەكەت باسشىسى بۇۇ باس اسسامبلەياسىنىڭ 76-سەسسياسى اياسىندا وتكەن ءتورت بىردەي ءىس- شاراعا - جالپى ساياسي دەباتتارعا، ب ۇ ۇ- نىڭ ازىق- تۇلىك جۇيەلەرى جونىندەگى سامميتىنە، COVID-19 پاندەمياسى جونىندەگى جاھاندىق سامميتكە جانە يادرولىق قارۋدى تولىق جويۋ جولىنداعى حالىقارالىق كۇرەس كۇنىنە ارنالعان جوعارى دەڭگەيدەگى پلەنارلىق وتىرىستارعا قاتىستى.
ەكى ايدىڭ ىشىندە قاسىم- جومارت توقايەۆ رەسەي، فرانسيا، بەلارۋس، وزبەكستان، ساۋد ارابياسى مەملەكەتتەرىنىڭ پرەزيدەنتتەرىمەن جانە ەۋروپالىق وداق باسشىسىمەن تەلەفون ارقىلى سويلەستى. سونىمەن قاتار قازاقستان استاناسى اسا جوعارى دەڭگەيدەگى شەتەلدىك دەلەگاتسيالاردى كوپ قابىلداي باستادى.
رەسەي پرەمەر- ءمينيسترى، شۆەيتساريا، تاجىكستان، تۇركيا، ازەربايجان پارلامەنتتەرىنىڭ سپيكەرلەرى، سولتۇستىك ماكەدونيانىڭ سىرتقى ىستەر ءمينيسترى، ساۋد ارابياسى كورولدىگىنىڭ ينۆەستيتسيا ءمينيسترى، باشقۇرتستان رەسپۋبليكاسىنىڭ باسشىسى، سونداي- اق حالىقارالىق ۇيىمدار مەن شەتەلدىك ءىرى كومپانيالاردىڭ وكىلدەرى قازاقستان پرەزيدەنتىنىڭ قابىلداۋىندا بولدى.
جالپى تامىز- قىركۇيەك ايلارىندا قاسىم- جومارت توقايەۆ الەمدىك دەڭگەيدەگى 10 سامميت پەن فورۋمعا، ونىڭ ۇشەۋىنە وفلاين، جەتەۋىنە ونلاين رەجيمدە قاتىستى. 2 مەملەكەتكە ساپارمەن باردى جانە 7 ەلدىڭ باسشىلارىمەن تەلەفون ارقىلى سويلەستى. سونىمەن قاتار 12 شەتەلدىك دەلەگاتسيانى قابىلدادى.
قازاقستان بارلىق باعىت بويىنشا سىرتقى ساياسي ارەناداعى ىقپالداستىعىن نىعايتىپ كەلەدى دەپ ايتۋعا بولادى. حالىقارالىق بايلانىستاردىڭ دا گەوگرافياسى كەڭەيە ءتۇستى. قازىرگى احۋال كوروناۆيرۋس پاندەمياسىنا دەيىنگى كەزەڭگە قاراعاندا حالىقارالىق ىنتىماقتاستىقتىڭ ماڭىزى بۇگىندە ارتا تۇسكەنىن كورسەتەدى.
الەمدە جاڭا سىن- تەگەۋرىندەر مەن قاۋىپ- قاتەرلەر پايدا بولدى. كوپتەگەن ايماقتا، ونىڭ ىشىندە ورتالىق ازيا مەملەكەتتەرىمەن شەكارالاس وڭىرلەردە جاعداي شيەلەنىسىپ تۇر. ەكونوميكالىق داعدارىس ءىس جۇزىندە بارلىق قۇرلىقتى قامتىدى. كوپتەگەن ەلدەر اراسىنداعى تاۋار اينالىمىنىڭ دەڭگەيى تومەندەپ، كولىك- لوگيستيكالىق بايلانىستار سالاسىندا قيىندىقتار تۋىندادى. مەملەكەتتەر باسشىلارىنىڭ ساياسي ەرىك- جىگەرىنسىز، الەمنىڭ قالىپتى ومىرگە ورالۋى ەكىتالاي. پاندەميا سالدارىن ەڭسەرۋ باستى ماسەلەلەردىڭ ءبىرى بولىپ قالا بەرەتىنى ءسوزسىز.
ساياساتكەرلەر COVID-19 ىندەتىنە قارسى ۆاكسينا جاساۋ جانە تاسىمالداۋ جونىندەگى ىنتىماقتاستىق ماسەلەلەرىن تالقىلاۋدا. قازاقستان پرەزيدەنتى وسى وزەكتى پروبلەماعا قاتىستى پىكىرىن ب ۇ ۇ باس اسسامبلەياسىنىڭ سەسسياسىندا، سونداي- اق باسقا دا كوپجاقتى جانە ەكىجاقتى ءىس- شارالار بارىسىندا ايتتى. پاندەميادان كەيىنگى الەمدەگى جاعدايعا قاتىستى ماسەلە جوعارى دەڭگەيدەگى كەزدەسۋلەردىڭ كۇن تارتىبىنە ءجيى قويىلا باستادى. اتاپ ايتقاندا، ساياسي، ساۋدا- ەكونوميكالىق، ينۆەستيتسيالىق جانە تەحنولوگيالىق ىنتىماقتاستىقتىڭ جاڭا فورمالارى تالقىلانىپ ءجۇر.
سونىمەن قاتار وڭتۇستىك كورەيانىڭ، رەسەيدىڭ، ەۋروپا وداعىنىڭ باسشىلارىمەن كەلىسسوزدەر كەزىندە سيفرلاندىرۋ جانە جاڭا تەحنولوگيالار سالالارىنداعى ناقتى جوبالاردى ىسكە اسىرۋعا ءمان بەرىلدى. حالىقارالىق ىنتىماقتاستىقتىڭ بارلىق باعىت بويىنشا جاندانۋى پاندەميادان كەيىنگى كەزەڭدەگى الەمنىڭ قالىپتاسۋىنا ىقپال ەتۋگە ءتيىس. سول كەزدە شەكارالار اشىلىپ، ساياسي، ەكونوميكالىق، مادەني- گۋمانيتارلىق جانە حالىقارالىق بايلانىستار جاڭا دەڭگەيگە كوتەرىلەدى. الداعى ايلاردا دا پرەزيدەنتتىڭ جۇمىس كەستەسى وتە تىعىز بولماق.
اتاپ ايتقاندا، جاقىن جانە الىس شەتەلدەرگە ساپارمەن بارۋ، بىرنەشە سامميتكە قاتىسۋ، سونداي- اق قازاقستانعا كەلەتىن جوعارى لاۋازىمدى شەتەلدىك قوناقتارمەن كەزدەسۋ جانە باسقا دا ماڭىزدى سىرتقى ساياسي ءىس- شارالار جوسپارلانعان.
