مەملەكەت سولتۇستىك قازاقستان وبلىسى جولدارىنىڭ قۇرىلىسىنا 10 ميلليارد تەڭگە ءبولدى
بۇل جونىندە وبلىستىق ءماسليحات دەپۋتاتتارىنىڭ الدىندا ءوڭىردىڭ ءبىرىنشى جارتىجىلدىقتاعى الەۋمەتتىك- ەكونوميكالىق دامۋى جونىندە ەسەپ بەرگەن وبلىس اكىمى قۇمار اقساقالوۆ ءمالىم ەتتى. ءوڭىر باسشىسى ءدال وسى ماقساتتا 14 ميلليارد تەڭگە بولىنگەنىن جەتكىزدى. اتالمىش سومانىڭ كولەمى جىل سايىن ارتا بەرەتىن بولادى.
«جول بولسا، ەكونوميكا دا، بيزنەس تە داميدى. بيىل رەسپۋبليكالىق بيۋدجەتتەن 10 ميلليارد تەڭگە ءبولىندى. كەلەسى جىلى قارجىلاندىرۋ بىردەن 40 پايىزعا ارتادى. بۇل - تەك جەرگىلىكتى جولدارعا بولىنەتىن قاراجات. وسىلايشا، 2021 -جىلعا قاراي جولداردىڭ 73 پايىز جاقسارتامىز»، - دەدى وبلىس اكىمى.
اتاپ وتىلگەندەي، اعىمداعى جىلى ومسك جانە تۇمەنگە اپاراتىن جولداردا جوندەۋ جۇمىستارى اياقتالادى. جىلدىڭ سوڭىنا دەيىن قورعانعا جۇرەتىن جولدىڭ جوسپارلانعان 60 شاقىرىمىنىڭ 30-ى جوندەلەدى. قالعانى كەلەسى جىلعا قالادى.
دەپۋتاتتار جول قۇرىلىسىنىڭ ساپاسىن قاتاڭ باقىلاۋعا الۋ كەرەكتىگىن العا تارتتى. كەيبىر جولدار ءبىر جىلعا شىداماي بۇزىلىپ جاتادى. وسى رەتتە «مامبەتوۆ جانە ك» سەنىم سەرىكتەستىگىنىڭ باس ديرەكتورى ەركەبۇلان مامبەتوۆ جوندەۋدەن وتكەن سوڭ ءبىر جىلدان كەيىن تۇگى قالماعان ستانوۆوە- رازدولنوە تاسجولىن تىلگە تيەك ەتتى.
