ۇلتتىق بانككە «تاۋ كەن التىن» 10 توننا التىن قۇيماسىن ساتتى
«ۇلتتىق بانككە 10 توننادان استام قوسپالاردان ايىرىلعان 9999 ساپالى تازا مەتالل وتكىزدىك. ونداعى ءار قۇيمانىڭ سالماعى 12 كەلىنى قۇرايدى»، - دەدى زاۋىت وكىلى مۇراتبەك جاناس قازاقستان برەندتەرى تۋرالى كىتاپ تانىستىرىلىمىندا.
ونىڭ ايتۋىنشا، زاۋىت رەسپۋبليكا لومباردتارى وتكىزگەن مەتالل سىنىقتارىن دا وڭدەۋدەن وتكىزەدى.
جىل سوڭىنا دەيىن «تاۋ- كەن التىن» 20 توننا التىن قۇيمالارىن اففيناجداپ، ۇلتتىق بانككە وتكىزۋدى جوسپارلاپ وتىر.
ودان بولەك، كاسىپورىن زەرگەرلەرمەن ۋاعدالاسىپ، ولارعا لوندون بيرجاسى بەكىتكەن باعا بويىنشا التىن ساتۋدى جوسپارلاپ وتىر.
«زەرگەرلەرگە دايىن قورىتپالاردى ساتۋ ارقىلى كومەكتەسكىمىز كەلەدى. سەبەبى، زەرگەرلەر ءبىر مەزگىلدە ءبىر كەلىدەن اساتىن التىندى ساتىپ الا المايدى، ولارعا 100 گراممنان باستاپ، تۇيىرشىك تۇرىندە ساتا الامىز. ۇلتتىق بانكتىڭ بىزگە قويعان شەكتەۋى بار، ياعني العاشقى جارتىجىلدىقتا 150 كەلىگە دەيىن عانا مەتالل ساتا الامىز»، - دەدى مۇراتبەك جاناس.
ايتا كەتەيىك، «تاۋ- كەن التىن» 2013 -جىلى ىسكە قوسىلدى جانە 2014 -جىلدان بەرى ق ر ۇلتتىق بانكىنە التىن قۇيمالاردى وتكىزىپ كەلەدى.
اۆتور: ايجان سەرىكجان قىزى
