جاڭا «نۇرلى جەر» باعدارلاماسى ءار ازاماتقا 10 سوتىق جەر ءبولۋ تۋرالى ماسەلەنى شەشەدى
اتالعان باعدارلامادا ەلدىڭ ءاربىر ازاماتىنا 10 سوتىق جەر ءبولۋ تۋرالى ماسەلەسى قوزعالاتىن بولادى.
«ءبىز ادامدارعا تۇرعىن ءۇي قۇرىلىسىنا 10 سوتىق جەر بەرەمىز دەپ ايتتىق. ەندى حالىق تالاپ ەتۋدە، 10 سوتىق جەردى بەرىڭدەر. بىزدە دالا جەتەدى عوي. سونىمەن دالاعا بارىپ، قۇرىلىس باستايسىزدار، ال ودان نە شىعادى؟ ول جاقتا جول، جارىق، سۋ، جىلۋ جوق. بۇلاي بەرۋگە بولمايدى. ەگەر بەرەتىن بولساق، كوممۋنيكاتسياسىن، جەردى دايىنداپ الۋ قاجەت. تۇرعىن ءۇي قۇرىلىسى بارىسىندا جەكە باسپانا سالۋشىلاردىڭ شىعىندارىن تومەندەتە وتىرىپ، ينجەنەرلىك-الەۋمەتتىك ينفراقۇرىلىمىن دايىنداپ الۋعا رەسۋرستاردى شوعىرلاندىرۋ كەرەك. ءبىز تۇرعىن ءۇي قۇرىلىسىنىڭ 30 پايىز شىعىنىن وزىمىزگە الامىز، راحمەتتەرىن ايتسىن. بۇل بيۋدجەتتەن قارجىلاندىرۋ ۇلەسىن قىسقارتا وتىرىپ مول جەكە ينۆەستيتسيانى تارتۋعا سەپتىگىن تيگىزەدى جانە ادام ءوز ۇيىنە يە بولادى»، - دەدى ەلباسى.
مەملەكەت باسشىسى جەكە تۇرعىن ءۇي قۇرىلىسى مەملەكەتتىڭ ينجەنەرلىك ينفراقۇرىلىمى تارتىلعان جەر تەلىمدەرىمەن قامتاماسىز ەتۋىنە تىكەلەي بايلانىستى ەكەندىگىن باسا ايتتى. سوندىقتان ۇكىمەت ءوز ءۇيىن سالاتىن ازاماتتاردىڭ قارجىسىن قايتارۋ تەتىكتەرىن دە ويلاستىرعانى ءجون.
«ماسەلەن، BI- Group الماتى مەن استانادا تولىق اۋىلداردى سالۋدا. مۇمكىن وسى جولمەن جۇرەرمىز؟ ياعني، قۇرىلىسشىلارعا اقشانى بەرىپ، حالىققا: «سىزدەر قالادىڭىزدار ما؟ مىنە سىزدەرگە 10 سوتىق جەر، مىناداي ساۋلەت جوباسىمەن سالدىق، ساتىپ الىڭىزدار»، دەپ جاريالايىق. بۇل ماسەلەدە نەسيە بەرىپ نەمەسە باسقاشا كومەكتەسەتىن بولامىز... اكىمدەر اۋىل شارۋاشىلىعى مينيسترلىگىمەن بىرلەسىپ جەر قورىنا ساراپتاما جۇرگىزۋى ءتيىس جانە باس جوسپارلارعا وزگەرتۋلەر بويىنشا ۇسىنىس ەنگىزسىن»، - دەدى ەلباسى.
اۆتور: مارلان جيەمباي
