14:21, 24 - قاراشا 2015 | GMT +5
ب. ساپاربايەۆ ءوزىنىڭ قاراماعىنداعى قىزمەتكەرلەر كۇنىنە 10 ساعات جۇمىس ىستەۋى كەرەك دەپ پايىمداۋدا
استانا. قازاقپارات - اقتوبە وبلىسىنىڭ اكىمى بەردىبەك ساپاربايەۆ ءوزىنىڭ قاراماعىنداعى قىزمەتكەرلەر كۇنىنە 10 ساعات جۇمىس ىستەۋى كەرەك دەپ پايىمداپ وتىر.
بۇل تۋرالى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ءمالىم ەتتى.
«قازىرگى داعدارىس جاعدايىندا بۇرىنعىسىنشا جۇمىس ىستەۋ دۇرىس ەمەس. ەگەر دە بۇرىندارى 8 ساعات جۇمىس ىستەسەك، قازىرگى كەزدە 10-12 ساعاتتان جۇمىس ىستەۋ كەرەك. الايدا بۇل تۇرعىدا ءتيىمدى قىزمەت ەتۋدى نازاردا ۇستاۋ كەرەك»، - دەدى اكىم.
سونىمەن قاتار ب. ساپاربايەۆ ەكونوميكانى كوتەرۋ باعىتىندا باسقارمالار مەن اۋدان اكىمدىكتەرى الدىنا قويىلعان تالاپتار ورىندالماعان جاعدايدا، جۇمىستى ءتيىستى دەڭگەيدە اتقارا الماعاندار قىزمەتىنەن بوسايتىندىعىن اتاپ ءوتتى.
بۇدان بولەك، وبلىس اكىمى وسى قىزمەتكە كەلگەنگە دەيىن اكىمدىكتە جۇمىس ىستەپ جۇرگەن قىزمەتكەرلەرمەن جاقسى قارىم- قاتىناس قالىپتاسقانىن جەتكىزدى.
اۆتور: رۋسلان عابباسوۆ
