كەلەر جىلى رەسپۋبليكالىق بيۋدجەت ءتۇسىمى 103 ميلليارد تەڭگەگە ۇلعايادى

بۇل تۋرالى بۇگىن ماجىلىستە «2015-2017 - جىلدارعا ارنالعان رەسپۋبليكالىق بيۋدجەت تۋرالى» زاڭ جوباسىنىڭ تانىستىرىلىمى بارىسىندا قارجى ءمينيسترى باقىت سۇلتانوۆ ءمالىم ەتتى.

 «2015 - جىلى بولجانعان رەسپۋبليكالىق بيۋدجەت تۇسىمدەرى 6 تريلليون 309 ميلليارد تەڭگەنى قۇرايدى. بۇل اعىمداعى جىلدىڭ ناقتىلانعان بولجامىنا قاراعاندا 103 ميلليارد تەڭگەگە ارتىق. سونىڭ ىشىندە، ترانسفەرت تۇسىمدەرىن ەسەپكە الماعانداعى كىرىستەر 4 تريلليون 338 ميلليارد تەڭگەنى قۇرايدى، بۇل كورسەتكىش 2014 - جىلدىڭ ناقتىلانعان دەڭگەيىنەن 23 ميلليارد تەڭگەگە تومەن»، - دەيدى قارجى ءمينيسترى باقىت سۇلتانوۆ.

ونىڭ ايتۋىنا قاراعاندا، كىرىستەر دەڭگەيىنىڭ تومەندەۋى نەگىزىنەن سىرتقى ساۋدا كولەمىنىڭ ازايۋىنا جانە مۇناي ءوندىرۋ كولەمىنىڭ قىسقارۋىنا قاتىستى بولماق.

 توقتالا كەتەتىن جايت، رەسپۋبليكالىق بيۋدجەتتىڭ ءتۇسىمى 2016 - جىلى - 6 تريلليون 738 ميلليارد تەڭگە، ال 2017 - جىلى - 7 تريلليون 127 ميلليارد تەڭگە شاماسىندا بولجانىپ وتىر.

اۆتور: قانات مامەتقازى ۇلى