جايىلىمدىق جەرلەر 100 ميلليون گەكتارعا دەيىن كەڭەيتىلەدى - ۇكىمەت ساعاتى

استانا. قازاقپارات - قازاقستاندا جايىلىمدار الاڭى 58 ميلليون گەكتاردان 100 ميلليون گەكتارعا كەڭەيتىلەدى. بۇل تۋرالى ماجىلىستەگى ۇكىمەت ساعاتىندا ق ر پرەمەر- ءمينيسترىنىڭ ورىنباسارى- اۋىل شارۋاشىلىعى ءمينيسترى ءومىرزاق شوكەيەۆ ءمالىم ەتتى، دەپ حابارلايدى قازاقپارات ءتىلشىسى.
None
None

  اتاپ ايتقاندا، ءو. شوكەيەۆ 2017-2021 -جىلدارعا ارنالعان ا ءو ك- ءنى دامىتۋ باعدارلاماسىنا تۇزەتۋلەر ەنگىزۋ تاقىرىبىندا بايانداما جاسادى. بۇل ورايدا بىرنەشە سالالىق باعدارلامالار قامتىلماق.

«ەتتى مال شارۋاشىلىعىن دامىتۋ جوباسىنىڭ نەگىزىن وتباسىلىق شاعىن فەرمالار قۇرايدى. ول فەرمەرلىك شارۋاشىلىقتاردان، بورداقىلاۋ الاڭدارىنان جانە قازىرگى زامانعى ەت وڭدەۋ كەشەندەرىنەن تۇراتىن ياكورلىق كووپەراتسيا تۇرىندە ىسكە اسادى. بۇل جەردە ا ق ش، كانادا مەن اۆستراليانىڭ تاجىريبەسى نەگىزگە الىنادى. الداعى 10 جىلدا ءىرى قارا مال شارۋاشىلىعىمەن، قوي جانە جىلقى شارۋاشىلىعىمەن ايلانىساتىن 80 مىڭنان استام وتباسىلىق فەرما قۇرۋ، جايىلىمدار الاڭىن 58 ميلليون گەكتاردان 100 ميلليون گەكتارعا كەڭەيتۋ، ءىرى قارا مال سانىن 15 ميلليون باسقا دەيىن، قوي سانىن 30 ميلليون باسقا دەيىن ۇلعايتۋ كوزدەلىپ وتىر»، - دەپ اتاپ ءوتتى ءومىرزاق شوكەيەۆ.

جوباعا قاتىسۋشىلارعا قولداۋ كورسەتىلەدى. وسى ورايدا جەر ۋچاسكەلەرىن بەرۋ، سونداي- اق مال، تەحنيكا جانە جابدىق ساتىپ الۋعا جەڭىلدىكپەن نەسيە بەرۋ، جايىلىمدارعا ينفراقۇرىلىم جەتكىزۋ ەسكەرىلەدى.

ءمينيستردىڭ سوزىنە قاراعاندا، ءسۇتتى مال شارۋاشىلىعى جوباسى دا وتباسىلىق فەرمالاردان، تاۋارلى ءسۇت فەرمالارىنان جانە زاماناۋي ءسۇت زاۋىتتارىنان تۇراتىن ياكورلىق كووپەراتسيا پرينتسيپى بويىنشا جۇزەگە اسادى. 2027 -جىلعا قاراي وتباسىلىق فەرمالاردىڭ سانىن 380-نەن 930-عا دەيىن، ءىرى تاۋارلى ءسۇت فەرمالارىنىڭ سانىن 108-دەن 170-گە دەيىن، ءسۇت زاۋىتتارىنىڭ سانىن 163-تەن 174-كە دەيىن جەتكىزۋ جوسپارلانعان. وسىنىڭ ناتيجەسىندە، ءسۇت ءوندىرىسىنىڭ كولەمى 1 ميلليون تونناعا دەيىن ۇلعايتۋ مىندەتى قويىلىپ وتىر.

فوتو: altai-photo.ru

اۆتور: رۋسلان عابباسوۆ

سوڭعى جاڭالىقتار