الماتى تۇرعىندارى سوڭعى ەكى كۇن ىشىندە 100 ليتر قان تاپسىردى
بۇل تۋرالى بۇگىن الماتىدا بريفينگ بارىسىندا الماتى قالالىق دەنساۋلىق ساقتاۋ باسقارماسىنىڭ باس حيرۋرگى نۇرجان يسابەكوۆ حابارلادى.
«الەۋمەتتىك جەلىلەردە لاڭكەستىك ارەكەت سالدارىنان زارداپ شەككەندەرگە قان جەتىسپەي جاتىر دەگەندەي جالعان اقپاراتتار تاراتىلىپ جاتىر. شىن مانىسىندە قان جەتەدى. بارلىق زارداپ شەككەندەرگە تولىققاندى كەشەندى مەديتسينالىق كومەك كورسەتىلۋدە. كەشە ەرىكتى تۇردە 221 ادام كەلىپ قان تاپسىرسا، بۇگىن كۇندىزگى ساعات 14:00 دەگى جاعداي بويىنشا 219 ادام قان تاپسىردى. ولاردىڭ اراسىندا قالا تۇرعىندارى، جاستار، ستۋدەنتتەر، دارىگەرلەر، قۇقىق قورعاۋ ورگاندارىنىڭ وكىلدەرى جانە اسكەريلەر بار»، - دەدى نۇرجان يسابەكوۆ.
سونىمەن قاتار، ونىڭ ايتۋىنشا، زارداپ شەككەندەردىڭ بارلىعى دەرلىك كەۋدە تۇستارىنان، ىشتەن جانە اياق-قولدارىنان جاراقات العان.
سونىمەن قاتار، باس وتاشى ۇستالعان كۇدىكتىنىڭ حيرۋرگيا عىلىمي-زەرتتەۋ ينستيتۋتىنان تەرگەۋ اباقتاسىنا اۋىستىرىلعاندىعىن ايتتى.
«كۇدىكتى تەرگەۋ اباقتىسىنا اۋىستىرىلدى. ول كەۋدە جانە ىشىنەن جاراقات العان»، - دەدى ن. يسابەكوۆ.
اۆتور: ايبوتا جاپپاربەرگەن
