شىمكەنتتە «100 ناقتى قادام» - ۇلت جوسپارى اياسىندا اتقارىلعان جۇمىستار جاريا ەتىلدى
بۇل تۋرالى وبلىس اكىمدىگىنىڭ باسپا ءسوز قىزمەتى.
ۇلت جوسپارىنداعى ءوزى جەتەكشىلىك ەتەتىن سالالار بويىنشا بايانداعان قالا اكىمى ءبىرقاتار جۇيەلەنگەن جۇمىستاردىڭ بارىسىمەن ءبولىستى.
ماسەلەن، رەفورمانىڭ 30 قادامى اياسىندا جەرگىلىكتى پوليتسيا قىزمەتى قۇرىلىپ، قوعامدىق قاۋىپسىزدىكتى قامتاماسىز ەتۋ ءۇشىن ۆەلوپوليتسيا مەن جول قاۋىپسىزدىگىنە جاۋاپتى اۋە باقىلاۋى جۇمىسىن باستاعان. سونىمەن قاتار، جەرگىلىكتى پوليتسيا قىزمەتىنىڭ جۇمىسىن جۇيەلەۋ ءۇشىن «ۋاتساپ» مەسسەندجەرى سەرۆيسى ىسكە قوسىلىپ، ورتاق قاۋىپسىزدىكتى ساقتاۋعا قالا تۇرعىندارى دا اتسالىسۋدا. ماسەلەن، سوڭعى ءۇش كۇندە اتالعان قىزمەت ءتۇرى ارقىلى 42 ءوتىنىش كەلىپ تۇسكەن.
«ۇلت جوسپارىنداعى 76 قادام - ءبىلىم سالاسى بويىنشا وتكەن جىلدان باستاپ شىمكەنتتەگى ءبىلىم سالاسىنا جاڭا جۇيەلەر ەنگىزىلىپ، ءبىلىم وشاقتارىنا ەلەكتروندى باسقارۋ اقپاراتتىق- باعدارلامالىق كەشەنى ەنگىزىلۋدە. سونىمەن بىرگە، قالا مەكتەپتەرىنىڭ ديرەكتورلارىن تاعايىنداۋ اشىق جۇرگىزىلىپ، 5 مەكتەپتىڭ باسشىسى وسى كونكۋرس نەگىزىندە تاعايىندالدى. مۇنان بولەك، ءبىلىم بەرۋ مەكەمەلەرىندە «قامقورشىلىق كەڭەسى» قۇرىلىپ، ءتۇرلى كومەكتەر بويىنشا جۇمىسىن باستاسا، قالاداعى 37 مەكتەپ تانىمال وقىتۋ ادىستەمەسى - «سىندارلى وقىتۋ تەورياسىنىڭ» وقۋ ساپاسىنا اسەرىمەن تانىسۋ ءۇشىن نازاربايەۆ زياتكەرلىك مەكتەپتەرىمەن تاجىريبە الماسۋ جانە پەداگوگيكالىق قاۋىمداستىق قۇرۋ ماقساتىندا مەموراندۋم ءتۇزدى»، - دەدى قالا اكىمىنىڭ ورىنباسارى.
باسپا ءسوز جيىنىندا ق. نۇرتاي «100 ناقتى قادامنىڭ» 99-قادامى قوعامدىق كەڭەستەر قۇرۋ بويىنشا دا جۇمىستاردىڭ جۇرگىزىلگەنىن بايانداپ، تاياۋدا ونىڭ مۇشەلەرىنە قالا باسشىسىنىڭ اتقارىلعان جۇمىستار بويىنشا ەسەپ بەرگەنىن جەتكىزدى. ەلباسىنىڭ ۇلت جوسپارىنا قويعان باستى ماسەلەسى - ءۇش تۇعىرلى تىلگە كوشۋ اياسىندا دا ايتىپ بەرگەن ق. ىرزاقۇل ۇلى شىمكەنتتەگى ەرەسەك تۇرعىنداردىڭ 87,3 پايىزى مەملەكەتتىك ءتىلدى، 79,8 پايىزى قازاق جانە ورىس تىلدەرىن، 15 پايىزى قازاق، ورىس تىلدەرىمەن قاتار، اعىلشىن ءتىلىن مەڭگەرگەنىن حابارلادى. سونداي-اق، سپورتتاعى جاسالىپ جاتقان جۇمىستاردى دا جەتكىزگەن اكىم ورىنباسارى بارلىق ىستەردىڭ مەملەكەت باسشىسىنىڭ ساياساتىنىڭ اياسىندا ءجۇرىپ جاتقانىن ايتتى.
