ق ر قارۋلى كۇشتەرى جەكە قۇرامىنىڭ 100 پايىزى قورىتىندى تەكسەرىسكە تارتىلادى - فوتو
دەپ حابارلادى ق ر قورعانىس مينيسترلىگىنىڭ باسپا ءسوز قىزمەتىنەن.
ونىڭ ناتيجەلەرى بويىنشا، اسكەر تۇرلەرى مەن تەكتەرىنىڭ ۇزدىك قۇرالىمدارى انىقتالادى.
«ءىس- شارا اۋقىمدى، قاتارداعى جاۋىنگەردەن باستاپ گەنەرالعا دەيىن بارلىق قارۋلى كۇشتەرىن قامتيدى. ءاربىر اسكەري قىزمەتشى ءوزىنىڭ دالالىق داعدىسىن، 2015 وقۋ جىلىندا بارلىق قول جەتكىزگەن جەتىستىگىن كورسەتەدى. تەكسەرۋ قورىتىندىسى بويىنشا ءبىز ناتيجەلەردى انىقتايمىز، ۇزدىك قۇرالىمدار، ۇزدىك اسكەري بولىمدەر، ۇزدىك اسكەري قىزمەتشىلەر ايقىندالادى. تەكسەرىس اتىس دايارلىعى، جاۋىنگەرلىك ماشينالاردى جۇرگىزۋ، دەنە دايارلىعى، مەملەكەتتىك- قۇقىقتىق دايارلىق جانە كاسىبي مەن كومانديرلىك دايارلىقتى مىندەتتى تۇردە بىلۋىنە كىرەتىن قالعان پاندەر بويىنشا وتەدى. قورىتىندى تەكسەرىس جىل سايىن، جىلىنا ءبىر رەت وتكىزىلەدى»، - دەدى ق ر ق ك باس شتابى جاۋىنگەرلىك دايارلىق دەپارتامەنتى قارۋلى كۇشتەردىڭ جاۋىنگەرلىك دايارلىعىن ەسەپكە الۋ جانە باقىلاۋ باسقارماسىنىڭ باستىعى پولكوۆنيك اباي جۇماعۇلوۆ.
2015 وقۋ جىلىندا قارۋلى كۇشتەردەگى جاۋىنگەرلىك سايىستىڭ ۇرانى «ۇلى جەڭىسكە دەگەن ءبىزدىڭ جەتىستىكتەرىمىز» بولىپ تابىلعانىن ايتا كەتەيىك. قازاقستان رەسپۋبليكاسىنىڭ قارۋلى كۇشتەرىندە قورىتىندى تەكسەرىس 2015 - جىلعى قاراشا ايىنىڭ سوڭىنا دەيىن جالعاسادى.
قورىتىندى تەكسەرىستىڭ ناتيجەلەرى نەگىزىندە ق ر ق ك اسكەري بولىمدەرىنىڭ جاۋىنگەرلىك ازىرلىگى مەن ولاردىڭ قويىلعان تاپسىرمالاردى ورىنداۋ قابىلەتتىلىگىن جەتىلدىرۋ جونىندە ءارى قاراي باعىتتار انىقتالاتىن بولادى.
