پارلامەنت كۇزگى سەسسيادا «100 قادام» ۇلت جوسپارىن جۇزەگە اسىرۋعا باعىتتالعان زاڭ جوبالارىنا باسىمدىق بەرەدى
بۇگىن پارلامەنت پالاتالارىنىڭ بىرلەسكەن وتىرىسىندا سەسسيا جۇمىسىن قورىتىندىلاعان ءماجىلىس ءتوراعاسى قابيبوللا جاقىپوۆ وسىلاي مالىمدەدى.
بەسىنشى شاقىرىلىمنىڭ ءتورتىنشى سەسسياسىن قورىتىندىلاپ، بايانداما جاساعان ءماجىلىس ءتوراعاسى الداعى ۋاقىتتا زاڭ شىعارۋ بيلىگىندە تولايىم جۇمىستار كۇتىپ تۇرعانىن العا تارتتى.
«ەڭ ءبىرىنشى كەزەكتە پارلامەنتتىك زاڭ شىعارۋ قىزمەتى مەملەكەت باسشىسى جاريالاعان بەس ينستيتۋتسيونالدىق رەفورمانى زاڭنامالىق قامتاماسىز ەتۋگە باسىمدىق بەرەدى. البەتتە، وسىعان بايلانىستى ەلىمىزدىڭ قۇقىقتىق جۇيەسىندە اۋقىمدى قايتا قۇرۋلار كۇتىلەدى. بەسىنشى سەسسيا باسىندا پارلامەنتكە «100 قادام» ۇلت جوسپارىن جۇزەگە اسىرۋ جونىندەگى جاڭعىرتۋ كوميسسياسى ۇسىنعان زاڭ جوبالارىنىڭ توپتامالارى كەلىپ تۇسەتىن بولادى. بۇلاردىڭ ءبارى باسىم تارتىپپەن قارالۋى ءتيىس ءارى بىزدەن ساياسي جاۋاپكەرشىلىك پەن جوعارى كاسىبيلىكتى تالاپ ەتەدى»، - دەدى ق. جاقىپوۆ.
اۆتور: قانات مامەتقازى ۇلى
