بيىل قازاقستاندا 1,9 تريلليون تەڭگەگە 280-نەن استام ينۆەستيتسيالىق جوبانى ىسكە قوسۋ جوسپارلانىپ وتىر
استانا. قازاقپارات - سەنبى، 27 -مامىردا، ق ر پرەمەر- ءمينيسترى ءاليحان سمايىلوۆ ينۆەستيتسيالىق شتاب وتىرىسىن وتكىزدى، وندا نەگىزگى كاپيتالعا ينۆەستيتسيالار (ن ك ي) جانە تىكەلەي شەتەلدىك ينۆەستيتسيالار (ت ش ي) تارتۋ بارىسى قارالدى، دەپ حابارلايدى قازاقپارات ۇكىمەتتىڭ رەسمي سايتىنا سىلتەمە جاساپ.
ۇلتتىق ەكونوميكا ءمينيسترى الىبەك قۋانتىروۆتىڭ ايتۋىنشا، بيىلعى قاڭتار- ءساۋىر ايلارىندا ن ك ي- دىڭ جالپى كولەمى 3,8 تريلليون تەڭگەنى قۇرادى، بۇل 2022 -جىلدىڭ سايكەس كەزەڭىمەن سالىستىرعاندا % 18- عا ارتىق. بۇل ورايدا تاۋ- كەن جانە وڭدەۋ ونەركاسىبى، جىلجىمايتىن مۇلىكپەن جاسالاتىن وپەراتسيالار، كولىك جانە قويمالاۋ، اۋىل شارۋاشىلىعى سالالارىنىڭ كورسەتكىشتەرى جوعارى.
قاڭتار-ءساۋىر ايلارىندا جالپى رەسپۋبليكالىق نىسانالى ينديكاتورعا قول جەتكىزىلدى. 20 ءوڭىردىڭ 12- ءسى جوسپارلارىن ورىندادى نەمەسە اسىرا ورىندادى. ولاردىڭ قاتارىندا تۇركىستان (%148)، قىزىلوردا (%137)، قاراعاندى (122)، ماڭعىستاۋ (122) جانە اقمولا (116) وبلىستارى بار. ورتالىق مەملەكەتتىك ورگاندار اراسىندا دەنساۋلىق ساقتاۋ (167)، وقۋ- اعارتۋ (153) ، عىلىم جانە جوعارى ءبىلىم (152)، ساۋدا جانە ينتەگراتسيا (143)، اۋىل شارۋاشىلىعى (116)، ەكولوگيا جانە تابيعي رەسۋرستار (%108) مينيسترلىكتەرى بەلگىلەنگەن كورسەتكىشتەردى اسىرا ورىندادى.
پرەمەر- مينيستر 4 ايدىڭ قورىتىندىسى بويىنشا وبلىستار مەن ورتالىق مەملەكەتتىك ورگانداردىڭ دەنى ن ك ي بويىنشا كورسەتكىشتەردى قامتاماسىز ەتكەنىن، الايدا 8 ءوڭىردىڭ نىسانالى ينديكاتورلارعا قول جەتكىزە الماعانىن اتاپ ءوتتى. اۋسايدەرلەر - ۇلىتاۋ (%52) ، اباي (%64) جانە جامبىل (%65) وبلىستارى.
«ۇلىتاۋ جانە جامبىل وبلىستارى وتكەن جىلى دا جوسپاردى ورىنداماعان. اتالعان وبلىستاردىڭ اكىمدەرى بۇعان دەيىن ينۆەستيتسيالىق شتاب وتىرىسىندا جاعدايدى بيىل تۇزەيمىز دەپ ۋادە بەرگەن بولاتىن. ءبىراق، كورىپ وتىرعانىمىزداي، بۇل وڭىرلەر بارلىق وبلىستىڭ ىشىندە ەڭ سوڭعى ورىنداردا قالىپ وتىر»، - دەدى ءاليحان سمايىلوۆ.
قابىلدانىپ جاتقان شارالار تۋرالى اباي وبلىسىنىڭ اكىمى نۇرلان ۇرانحايەۆ، جەتىسۋ وبلىسىنىڭ اكىمى بەيبىت يسابايەۆ، جامبىل وبلىسىنىڭ اكىمى نۇرجان نۇرجىگىتوۆ، قاراعاندى وبلىسىنىڭ اكىمى ەرماعانبەت بولەكپايەۆ جانە ۇلىتاۋ وبلىسى اكىمىنىڭ ورىنباسارى ۇلانتاي ۇسەنوۆ بايانداما جاسادى.
بايانداماشىلاردى تىڭداپ بولعان سوڭ، ۇكىمەت باسشىسى ءبىرىنشى جارتىجىلدىقتىڭ قورىتىندىسى بويىنشا ينۆەستيتسيالارعا جاۋاپتى لاۋازىمدى تۇلعالارعا قاتىستى ءتيىستى شارالار قابىلداناتىنىن اتاپ ءوتتى.
سونىمەن قاتار ءاليحان سمايىلوۆ مادەنيەت جانە سپورت (%62)، سيفرلىق دامۋ، يننوۆاتسيالار جانە اەروعارىش ونەركاسىبى (%61) مينيسترلىكتەرىنىڭ ن ك ي بويىنشا جۇمىس قارقىنى وتە باياۋ ەكەنىن اتاپ ءوتىپ، IT سالاسىنداعى جوبالار سانىن ۇلعايتۋ، سونداي- اق تۋريزم سالاسىنا ينۆەستيتسيالار تارتۋ جونىندەگى جۇمىستى كۇشەيتۋ قاجەتتىگىن اتاپ ءوتتى.
اتالعان ماسەلەلەر بويىنشا مادەنيەت جانە سپورت ءمينيسترى اسحات ورالوۆ پەن سيفرلىق دامۋ، يننوۆاتسيالار جانە اەروعارىش ونەركاسىبى ۆيتسە- ءمينيسترى اسقار جامباكيننىڭ ەسەپتەرى تىڭدالدى.
پرەمەر- مينيستر وسى جىلى ۇكىمەت الدىندا ن ك ي دەڭگەيىن 18,5 تريلليون تەڭگەگە جەتكىزۋ مىندەتى تۇرعانىن اتاپ ءوتتى. وسىعان بايلانىستى وڭىرلەر مەن ۆەدومستۆولار كەمشىلىكتەردى ەسكەرە وتىرىپ، نەگىزگى كاپيتالعا ينۆەستيتسيالار تارتۋ جۇمىستارىن كۇشەيتۋى قاجەت.
سونىمەن قاتار وتىرىستا تىكەلەي شەتەلدىك ينۆەستيتسيالاردى تارتۋ جونىندەگى وتكەن جىلعى جۇمىس قورىتىندىلارى قارالدى.
سىرتقى ىستەر ءمينيسترىنىڭ ورىنباسارى الماس ايداروۆتىڭ ايتۋىنشا، وتكەن جىلى ن ك ي كورسەتكىشى $28 ميلليارد قۇراعان، بۇل - سوڭعى 10 جىلداعى رەكوردتىق كورسەتكىش. ەكونوميكانىڭ نەگىزگى سالالارىندا جالپى قۇنى 2,3 تريلليون تەڭگە بولاتىن 199 ينۆەستيتسيالىق جوبا پايدالانۋعا بەرىلدى. 2023 -جىلى 1,9 تريلليون تەڭگەگە تاعى 281 جوبانى ىسكە قوسۋ جوسپارلانىپ وتىر.
وتكەن جىلدىڭ قورىتىندىسى بويىنشا ينۆەستورلاردىڭ ۇزدىك وندىعىنا نيدەرلاندى، ا ق ش، شۆەيساريا، بەلگيا، رەسەي، وڭتۇستىك كورەيا، قىتاي، فرانسيا، ۇلى بريتانيا جانە گەرمانيا ەلدەرى كىردى.
ءاليحان سمايىلوۆ مەملەكەت باسشىسى ۇكىمەت الدىنا 2029 -جىلعا دەيىن $150 ميلليارد ت ش ي تارتۋ مىندەتىن قويعانىن اتاپ ءوتتى.
«بيىل ەكونوميكاعا كەم دەگەندە $24 ميلليارد شەتەلدىك كاپيتالدى تارتۋعا ءتيىسپىز. مينيسترلەر مەن اكىمدەر ەكونوميكانىڭ باسىم سەكتورلارىندا شەتەلدىك كاپيتالدىڭ قاتىسۋىمەن جاڭا ءارى ساپالى ينۆەستيتسيالىق جوبالاردى جۇزەگە اسىرۋ ءۇشىن قاجەتتى شارالاردى قابىلداۋى كەرەك»، - دەدى پرەمەر- مينيستر.
ودان بولەك وتىرىسقا قاتىسۋشىلار شەتەلدىك ينۆەستورلاردىڭ قاتىسۋىمەن ورىندالاتىن ءىرى جوبالار بويىنشا پروبلەمالىق ماسەلەلەردى قارادى. تالقىلاۋ قورىتىندىسى بويىنشا ءاليحان سمايىلوۆ جاۋاپتى مەملەكەتتىك ورگاندار مەن ۇيىمدارعا ولاردى شەشۋ بويىنشا تۇبەگەيلى شارالار قابىلداۋدى تاپسىردى.
