1 ميلليون 890 مىڭنان استام ادامعا نەسيە تولەمىن كەيىنگە قالدىرۋ مۇمكىندىگى بەرىلدى
«ەكونوميكالىق بەلسەندىلىكتىڭ قۇلدىراۋ جاعدايىندا اگەنتتىكتىڭ باستى مىندەتى - ەكونوميكانى نەسيەلەۋدى قولداۋ جانە بيزنەس تاراپىنان نەسيەلىك رەسۋرستارعا قولجەتىمدىلىكتىڭ تومەندەۋىنە جول بەرمەۋ. توتەنشە جاعداي كەزىندە اگەنتتىك قارجىلىق قيىندىققا تاپ بولعان حالىق پەن بيزنەسكە قولداۋ كورسەتۋ ءۇشىن ءبىرقاتار شارا قابىلدادى. 16- ناۋرىز بەن 15- ماۋسىم ارالىعىنداعى كەزەڭدە جەكە تۇلعالار، شوب سۋبەكتىلەرى ءۇشىن نەسيەلەر بويىنشا تولەمدەردى كەيىنگە قالدىرۋ مۇمكىندىگى بەرىلدى. بۇل كەزەڭدە 1 ميلليون 890 مىڭنان استام ادامنىڭ نەمەسە بارلىق قارىز الۋشى جەكە تۇلعانىڭ 34 پايىزىنىڭ تولەمدەرى كەيىنگە قالدىرىلدى»، - دەدى مادينا ءابىلقاسىموۆا ۇكىمەت وتىرىسىندا.
ونىڭ ايتۋىنشا اتالعان تولەمدەر سوماسى 268 ميلليارد تەڭگەنى قۇراعان.
«نەسيەلەردى قايتا قۇرىلىمداۋعا 12455 شاعىن جانە ورتا بيزنەس سۋبەكتىسى ءوتىنىش جاسادى. بۇل ش و ب- تاعى نەسيە الۋشىلاردىڭ 42,5 پايىزىن قۇرايدى. قايتا قۇرىلىمدالعان تولەمدەردىڭ جالپى سوماسى - 165 ميلليارد تەڭگە بولدى»، - دەدى ول.
