شەكاراداعى اۋىلداردا 1,7 ميلليون قازاقستاندىق تۇرىپ جاتىر

None
استانا. قازاقپارات - اۋىلداردا ورنالاسقان شەكارا زاستاۆالارىنىڭ ينفراقۇرىلىم جەتىلدىرىلەدى. بۇل تۋرالى ق ر ۇلتتىق ەكونوميكا ءمينيسترى الىبەك قۋانتىروۆ ۇكىمەت وتىرىسىندا ءمالىم ەتتى، دەپ حابارلايدى قازاقپارات ءتىلشىسى.

«شەكاراعا جاقىن ورنالاسقا اۋىلدى ەلدى مەكەندەردى دامىتۋ ءۇشىن قانداي شارالار قابىلدانىپ جاتىر»، - دەپ سۇرادى ۇكىمەت باسشىسى.

ءمينيستردىڭ سوزىنە قاراعاندا بۇل باعىتتاعى شارالار نەگىزىنەن «اۋىل- ەل بەسىگى» جوباسىنىڭ اياسىندا ىسكە اسىرىلماق.

«جالپى قازىرگى تاڭدا شەكارالىق وبلىستاردا شەكاراداعى اۋىلدى ەلدى مەكەندەردى دامىتۋعا ارنالعان جوبالار «اۋىل - ەل بەسىگى» جوباسىنىڭ اياسىندا ىسكە اسىرىلۋدا. مەملەكەتتىك شەكارادان 50 شاقىرىم قاشىقتىقتا ورنالاسقان اۋىلداردىڭ سانى 1,3 مىڭ. ول اۋىلداردا 1,7 ميلليون ادام تۇرادى. مينيسترلىك تاراپىنان وسى اۋىلداردى دامىتۋ ءۇشىن ءتيىستى جول كارتاسى ازىرلەندى. بۇدان باسقا ءتيىستى جۇمىس توبى جۇمىس ىستەيدى، - دەدى الىبەك قۋانتىروۆ.

ونىڭ ايتۋىنا قاراعاندا، اۋىلداردى دامىتۋدىڭ 2023-27 -جىلدارعا ارنالعان تۇجىرىمدامانىڭ جوباسى ازىرلەنگەن.

«بۇل جوبادا ينفراقۇرىلىمدى دامىتۋدان باسقا وزگە دە قىزمەتتەر قالىپتاستىرىلادى. ونىڭ ىشىندە وتاندىق ەفير، ەفيرلىك تەلەارنالار، ينتەرنەتتى كۇشەيتۋ سياقتى شارالار كوزدەلگەن. اۋىلداردا ورنالاسقان شەكارا زاستاۆالارىىنىڭ ءينفراوقرىلىمىن كۇشەيتۋ دە كوزدەلگەن»، - دەدى ۆەدومستۆو باسشىسى.

اۆتور

ەسىمجان ناقتىباي

facebook.com


سوڭعى جاڭالىقتار