قوردايدا جىلىنا 1,2 ميلليون توننا سەمەنت وندىرەتىن زاۋىتتىڭ قۇرىلىسى باستالدى
جامبىل وبلىسىنىڭ اكىمى نۇرجان نۇرجىگىتوۆ، سينگاپۋرلىق ICG كومپانياسىنىڭ وكىلى ۆەي پينگ، «KORCEM» ج ش س- ءنىڭ اتقارۋشى ديرەكتورى ستانيسلاۆ شەرباكوۆتىڭ قاتىسۋىمەن اتالعان زاۋىت قۇرىلىسىنىڭ ىرگەتاسىنا كاپسۋلا سالۋ ءراسىمى ءوتتى.
«مەملەكەت باسشىسىنىڭ تاپسىرماسىنا سايكەس وڭىرىمىزدە جاڭا جۇمىس ورىندارىن اشۋ، ءىرى ينۆەستيتسيالار تارتۋ بويىنشا اۋقىمدى جۇمىستار اتقارىلىپ جاتىر.
ايتالىق، وتكەن جىلدىڭ قورىتىندىسى بويىنشا وبلىسقا جالپى سوماسى 400 ميلليارد تەڭگەدەن استام ينۆەستيتسيا تارتىلدى. ال بيىلعى ءۇش ايدا ءوڭىردىڭ نەگىزگى كاپيتالىنا 70 ميلليارد تەڭگەگە جۋىق ينۆەستيتسيا سالىندى.
بۇگىنگى تاڭدا وبلىستا جالپى قۇنى 1,5 تريلليون تەڭگەنى قۇرايتىن توپ-10 ءىرى ينۆەستيتسيالىق جوبالاردىڭ پۋلى جاساقتالىپ، وندا 4500 گە جۋىق جاڭا جۇمىس ورنى قۇرىلادى دەپ جوسپارلانۋدا.
اتاپ ايتقاندا، رەسەيلىك «EuroChem Group AG» كومپانياسىنىڭ قاتىسۋىمەن مينەرالدى تىڭايتقىشتار زاۋىتىنىڭ قۇرىلىسى جۇزەگە اسىرىلىپ جاتسا، «Monterra Group AG» نەمىس كومپانياسىنىڭ قاتىسۋىمەن باعالى مەتالداردى قايتا وڭدەۋ جوباسى ىسكە اسۋدا. بۇدان بولەك، قىتاي، فرانسيا، تۇركيا سياقتى وزگە ەلدەردىڭ دە قاتىسۋىمەن اۋقىمدى جوبالار جۇزەگە اسىرىلۋدا.
بۇگىن بۇل ءتىزىم «ynternational سەment Group LTD» سينگاپۋرلىق ارىپتەستەرىمىزدىڭ ينۆەستيتسيالىق جوباسىمەن «КОRCЕМ» سەرىكتەستىگىنىڭ سەمەنت ءوندىرىسى بويىنشا زاۋىت قۇرىلىسىمەن تولىعۋدا.
قۇرىلىس سالاسى - قارقىندى دامىپ كەلە جاتقان سالا ەكەندىگىن ەسكەرسەك، بۇل كاسىپورىننىڭ قۇرىلىسقا تيگىزەر پايداسى مول بولارى ءسوزسىز.
بۇل زاۋىت ىسكە قوسىلعاندا جامبىل وبلىسىندا وندىرىلەتىن تسەمەنتتىڭ كولەمى ەلىمىزدەگى جالپى ۇلەستىڭ 35 پايىزىن قۇرايدى دەپ كوزدەلۋدە»، - دەدى نۇرجان نۇرجىگىتوۆ.
سونداي-اق ول جەرگىلىكتى اتقارۋشى ورگاندار تاراپىنان بۇل جوباعا جان-جاقتى قولداۋ كورسەتىلەتىنىن جەتكىزدى.
«KORCEM» ج ش س- ءنىڭ اتقارۋشى ديرەكتورى ستانيسلاۆ شەرباكوۆ زاۋىت جاڭا تەحنولوگيالارمەن جابدىقتىلا وتىرىپ، وسى باعىتتاعى ورتالىق ازياداعى ەڭ زاماناۋي ءارى قالدىقسىز كاسىپورىنداردىڭ ءبىرى بولاتىنىن اتاپ ءوتتى.
قۇنى 50 ميلليارد تەڭگەنى قۇرايتىن جوبانىڭ جىلدىق قۋاتتىلىعى 1,2 ميلليون توننانى قۇرايدى. قۇرىلىس جۇمىستارىنا 900 ادام تارتىلادى دەپ كوزدەلگەن. جوبا ىسكە قوسىلعان سوڭ 400 گە جۋىق جاڭا جۇمىس ورنى اشىلاتىن بولادى. نەگىزىنەن جەرگىلىكتى تۇرعىندار جۇمىسپەن قامتىلادى دەپ كۇتىلۋدە.
زاۋىتتىڭ تسەحتارى 2024-جىلدىڭ اياعىنا قاراي كەزەڭ-كەزەڭىمەن ىسكە قوسىلا باستايدى جانە 2025-جىلى تولىق قۋاتتىلىعىمەن ىسكە قوسىلادى دەپ جوسپارلانعان. ول ءۇشىن جاقىن ماڭداعى شيكىزات قورى جەتكىلىكتى، ونىممەن جامبىل وبلىسىنىڭ ىشكى نارىعىن جانە قىرعىزستان مەن ەلىمىزدىڭ باسقا دا وڭىرلەرىن قامتۋ كوزدەلىپ وتىر.