قازاقستان التىن، مىس، مۇناي ىزدەۋگە 1.2 ترليون تەڭگە ينۆەستيتسيا قۇيادى

اتىراۋ. قازاقپارات - قازاقستان التىن، مىس، پوليمەتالدار، مۇناي مەن گاز كەن ورىندارىن ىزدەۋ ءۇشىن 1.2 ترليون تەڭگە ينۆەستيتسيا سالۋدى جوسپارلاۋدا،

دەپ حابارلايدى وڭىردەگى ءتىلشىمىز ا. سوكولوۆ.

«الداعى بەس جىلدىققا مەملەكەتتىك بيۋدجەتتەن گەولوگيالىق بارلاۋ جۇمىستارىنا 120 ميلليارد تەڭگە بولىنەدى. اتالعان جۇمىستارعا ۇلتتىق كومپانيالار دا تارتىلادى. ولار 900 ميلليارد تەڭگە ينۆەستيتسيا قۇيماق» ، - دەپ حابارلادى ق ر يندۋستريا جانە جاڭا تەحنولوگيالار مينيسترلىگى گەولوگيا جانە جەر قويناۋىن پايدالانۋ كوميتەتىنىڭ ءتوراعاسى بازارباي نۇرابايەۆ اتىراۋلىق جەر قويناۋىن پايدالانۋشىلارمەن كەزدەسۋ كەزىندە.

گەولوگيالىق بارلاۋدى دامىتۋ بويىنشا قابىلدانعان باعدارلاما ەلىمىزدىڭ بارلىق وڭىرلەرىندە جۇزەگە اسىرىلادى. اسىرەسە قاتتى پايدالى قازبالار جاتقان جەرگە كوڭىل بولىنەدى. مۇناي مەن گاز ىزدەۋدە اتىراۋ جانە ماڭعىستاۋ وبلىستارىنداعى كاسپي ماڭىنداعى ويپاتتارعا باسا نازار اۋدارىلادى.