ە و يزرايلدىڭ قوس ءمينيسترىن تۇتقىنداۋ تۋرالى سوت شەشىمىن جۇزەگە اسىرۋعا كەلىستى

استانا. قازاقپارات- حالىقارالىق قىلمىستىق سوتتىڭ يزرايل پرەمەر-ءمينيسترى مەن بۇرىنعى قورعانىس ءمينيسترىن تۇتقىنداۋ تۋرالى شەشىمى مىندەتتى تۇردە ىسكە اسۋى كەرەك. ەۋرووداقتىڭ جوعارعى وكىلى جوزەپ بوررەل يوردانياداعى باسپا ءسوز ءماسليحاتىندا وسىلاي دەپ مالىمدەدى.

بوررەل: «بۇل ساياسي شەشىم ەمەس، حالىقارالىق سوتتىڭ مىندەتتەمەسى. سول سەبەپتى ەۋرووداق ەلدەرى ماسەلەگە قۇلاق اسىپ، وعان قۇرمەتپەن قاراۋعا ءتيىس»، - دەدى.

بوررەل يوردانيادا گازا سەكتورى مەن ليۆانداعى قاقتىعىستى توقتاتۋعا قولجەتكىزۋ ماقساتىندا بەيبىت كەلىسىمدەردى تالقىلاۋ كەڭەسىن وتكىزىپ جاتىر.

جوزەپ بوررەل، ە و سىرتقى ىستەر جانە قاۋىپسىزدىك ساياساتى جونىندەگى جوعارعى وكىلى:

- گازاداعى تەكەتىرەسكە نۇكتە قويىلۋى ءتيىس. بۇل - حالىقارالىق سوتتىڭ سوڭعى شەشىمى، بۇل - ءادىل شەشىم. وعان قۇرمەتپەن قاراۋعا ءتيىسپىز. سوندىقتان مەن حالىقارالىق قىلمىستىق سوتتىڭ پرەمەر- مينيستر نەتانياحۋدى، بۇرىنعى قورعانىس ءمينيسترى گالانت مىرزانى جانە حاماس كوشباسشىسى دەيۆتى قاماۋعا الۋ تۋرالى شەشىمىن ەسكەرەمىن. بۇل شەشىمدى سوتقا قاتىسۋشى مەملەكەتتەر مەن ەۋرووداقتىڭ بارلىق مۇشەلەرى ورىنداۋعا مىندەتتى.

ۇلى بريتانيا مەن كانادا يزرايلگە قاتىستى سوت شەشىمىن ماقۇلدادى

ۇلى بريتانيا مەن كانادا يزرايلگە قاتىستى سوت شەشىمىن ورىنداۋدى مىندەتكە الدى. قوس ەلدىڭ پرەمەر- ءمينيسترى بينيامين نەتانياحۋ مەن يواۆ گالانت شەكارادان وتكەن جاعدايدا مىندەتتى تۇردە تۇتقىندايتىنىن مالىمدەدى. قازىر ۇلى بريتانيا بيلىگى قۇجاتتى راتيفيكاتسيالاۋ پروتسەسىن باستاپ كەتتى. ال، ا ق ش پرەزيدەنتى دجو بايدەن گااگا سوتىنىڭ شەكتەن شىققانىن اتاپ ءوتىپ، يزرايلدىڭ قاۋىپسىزدىگىن قولدايتىنىن مالىمدەدى.

24.kz