ە و- دا اقشا جىلىستاتۋ جانە تەرروريزمدى قارجىلاندىرۋمەن كۇرەسەتىن جاڭا ورگان قۇرىلادى

ەۋروكوميسسيا سارسەنبى كۇنى ەۋروپالىق پارلامەنت پەن ەۋروپالىق كەڭەس اراسىنداعى ە و- نىڭ اقشا جىلىستاتۋعا جانە تەرروريزمدى قارجىلاندىرۋعا قارسى كۇرەس جونىندەگى جاڭا ورگانىن (AMLA) قۇرۋ تۋرالى الدىن الا كەلىسىمىن قۇپتايتىنىن مالىمدەدى، دەپ حابارلايدى Kazinform ءتىلشىسى.

جاڭا ورگان ە و- نىڭ ورتالىقتاندىرىلماعان رەتتەۋشى اگەنتتىگى تۇرىندە قۇرىلادى دەپ جوسپارلاندى.

ەۋروكوميسسيا حابارلاماسىندا ە و- نىڭ جاڭا ورگانىنىڭ قۇرىلۋى اقشانى جىلىستاتۋعا جانە تەرروريزمدى قارجىلاندىرۋعا قارسى كۇرەستى قاداعالاۋدى وزگەرتەدى جانە ە و قارجىلىق بارلاۋ بولىمشەلەرى اراسىنداعى ىنتىماقتاستىقتى جاقسارتادى دەلىنگەن.

ەندى قۇرىلاتىن AMLA قۇرىلىمى ە و ەرەجەلەرىن دۇرىس جانە دايەكتى قولدانۋدى قامتاماسىز ەتۋ ءۇشىن وداققا مۇشە مەملەكەتتەردىڭ ۇلتتىق ورگاندارىن ۇيلەستىرەتىن بولادى.

AMLA- نىڭ قارجى سەكتورى اقشانى جىلىستاتۋ مەن تەرروريزمدى قارجىلاندىرۋ قاۋپى جوعارى ۇيىمداردى تىكەلەي باقىلايدى.
اۆتور
ەركەجان سماعۇلوۆا