ۇ ب ت-2024: پاندەر بويىنشا شەكتى بال قانداي؟
2024-جىلى قازاقستاننىڭ جوعارى وقۋ ورىندارىنا ءتۇسۋ ءۇشىن شەكتى بال وزگەرىسسىز، كەمىندە 50 بال جانە ۇلتتىق جوعارى وقۋ ورىندارىنا ءتۇسۋ ءۇشىن كەمىندە 65 بال بولىپ قالدى، دەپ حابارلايدى El.kz اقپارات اگەنتتىگى.
الايدا، وقۋعا ءتۇسۋ ءۇشىن 50 دەن استام بال جيناۋ قاجەت دايىندىق باعىتتارى بار. ەڭ جوعارى شەكتى بال - كەمىندە 75 بال «قۇقىق» جانە «پەداگوگيكالىق عىلىمدار» ءبىلىم بەرۋ باعدارلامالارىنا ءتۇسۋ ءۇشىن بەكىتىلگەن.
«دەنساۋلىق ساقتاۋ جانە الەۋمەتتىك قامتاماسىز ەتۋ (مەديتسينا)» باعىتى بويىنشا وقۋعا شەشىم قابىلداعان تالاپكەرلەر ۇ ب ت- دا كەمىندە 70 بال جيناۋى ءتيىس. ال ۇلتتىق جوعارى وقۋ ورىندارىنا «اۋىل شارۋاشىلىعى جانە بيورەسۋرستار» جانە «ۆەتەريناريا» ماماندىعىنا تۇسكىسى كەلەتىندەرگە كەمىندە 60 بال جيناۋ قاجەت.
سونداي-اق، تالاپكەرلەر ءار جوعارى وقۋ ورنى ءوزىنىڭ شەكتى بالىن قويا الاتىندىعىن دا ەسكەرۋ كەرەك. بۇل قۇقىق ولارعا ءتورت جىل بۇرىن اكادەميالىق ەركىندىك نەگىزىندە بەرىلگەن ەدى. مىسالى، 80 بال جيناعان تالاپكەر ماتەماتيكا مۇعالىمى ماماندىعىنا ۇلتتىق ج و و- عا تۇسكىسى كەلەدى. بارشاعا ءمالىم، «پەداگوگيكالىق عىلىمدارعا» شەكتى بال كەمىندە 75 بال، ال ۇلتتىق وقۋ ورىندارىنا - كەمىندە 65 بال. وقۋشىنىڭ جيناعان ۇپايى جەتىپ تۇر. الايدا، تاڭدالعان ۋنيۆەرسيتەتتە وقۋشىنىڭ وقىعىسى كەلگەن ماماندىققا شەكتى بال 85 تەن باستالادى. دەمەك، وقۋشىعا شەكتى بالىن 80 گە دەيىن بەلگىلەگەن ۋنيۆەرسيتەتتى ىزدەۋ كەرەك. جوعارى وقۋ ورىندارىنىڭ شەكتى بالى جاقىن ارادا ۇتو سايتىندا جاريالانادى، - دەپ اتاپ ءوتتى ق ر ع ج ب م ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ.
ەستەرىڭىزگە سالا كەتسەك، «قازاقستان تاريحى» جانە ەكى بەيىندىك ءپان بويىنشا شەكتى بال - كەمىندە 5 بال، ال «وقۋ ساۋاتتىلىعى» جانە «ماتەماتيكالىق ساۋاتتىلىق» پاندەرى بويىنشا شەكتى بال - كەمىندە 3 بال.
