زەينەتاقى جيناعىن ب ج ز ق- عا قايتارۋدىڭ قاجەتى جوق - وتباسى بانكى دەپوزيتتەگى زەينەتاقى جيناقتارى تۋرالى

زەينەتاقى جيناقتارىن پايدالانۋ مەرزىمىنە قويىلاتىن تالاپتىڭ الىنىپ تاستالعانى تۋرالى وتباسى بانكى حابارلادى.

- كوپشىلىگىڭىز قانداي ءدا بىر سەبەپپەن تۇرعىن ءۇي ساتىپ الۋعا ۇلگەرمەسەڭىزدەر، بۇل قاراجاتتى ب ج ز ق- عا قايتارۋدىڭ قاجەتى جوق، - دەپ حابارلادى بانك باسپا ءسوز قىزمەتى.

ءول ۇشىن زاڭناماعا وزگەرىستەر ەنگىزىلدى. ەگەر سالىمشى زەينەتاقى جيناقتارىن التى جىل ىشىندە پايدالانىپ ۇلگەرمەسە، بۇل قاراجات دەپوزيتتە قالا بەرەدى جانە قولايلى ۋاقىتقا دەيىن ساقتالادى.

- التى جىل وتكەندىكتەن عانا جيناقتارىڭىز اۆتوماتتى تۇردە ب ج ز ق- عا قايتارىلادى دەپ الاڭداۋدىڭ قاجەتى جوق. سونىمەن قاتار وتباسى بانكى يپوتەكانى راسىمدەۋدى كەيىنگە قالدىرماي، مۇمكىندىگىنشە بۇل قاراجاتتى تۇرعىن ءۇي الۋعا ارنالعان باستاپقى جارنا رەتىندە پايدالانۋعا كەڭەس بەرەدى، - دەپ تولىقتىردى بانك.

ايتا كەتەلىك باسپانا كەزەگىندە تۇرعاندار قانداي جەڭىلدىكتەردى پايدالانا الاتىنى تۋرالى جازعان ەدىك.