زيمبابۆە بيلىگى قۇرعاقشىلىقتان قۇتىلۋ ءۇشىن 200 ءپىلدى ءولتىرۋدى جوسپارلاپ وتىر

استانا. KAZINFORM - زيمبابۆەنىڭ قورشاعان ورتانى قورعاۋ مينيسترلىگى ەلدە ءپىل تىم كوبەيىپ كەتتى دەپ مالىمدەدى. ZimParks جابايى تابيعات پاركىنىڭ باسشىلىعىنا ولتىرىلەتىن جانۋارلاردى ىرىكتەۋ تاپسىرىلدى، دەپ حابارلايدى BILD باسىلىمى.

شەنەۋنىكتەردىڭ ايتۋىنشا، بۇل قادام تەز ءوسىپ كەلە جاتقان پىلدەر پوپۋلياتسياسىن باقىلاۋعا كومەكتەسەدى، سونىمەن قاتار توتەنشە قۇرعاقشىلىقتىڭ سالدارىن جويۋعا سەبەپشى بولماق.

ZimParks قورىعىنىڭ باسشىسى فۋلتون مانگۆانيانىڭ AFP اگەنتتىگىنە ايتۋىنشا، بيلىك بارلىعى 200 پىلدەن قۇتىلۋدى كوزدەپ وتىر.

زيمبابۆەدە بارلىعى 100 مىڭعا جۋىق ءپىل مەكەندەيدى، ەل وسى جانۋارلاردىڭ سانى بويىنشا بوتسۆانادان كەيىنگى ەكىنشى ورىندا.

زيمبابۆەدە پىلدەر سوڭعى رەت 1988 -جىلى اتىلعان.

بۇعان دەيىن ناميبيا سوڭعى ونجىلدىقتاعى ەڭ اۋىر قۇرعاقشىلىق سالدارىنان 700 جابايى جانۋاردىڭ، ونىڭ ىشىندە پىلدەر مەن سۋسيىر جويىلاتىنىن مالىمدەگەن. ناميبيانىڭ قورشاعان ورتانى قورعاۋ مينيسترلىگى 160 قا جۋىق جانۋاردىڭ ولتىرىلگەنىن حابارلادى.

بۇل شارا سۋ رەسۋرستارىن تۇتىنۋدى جەڭىلدەتۋ جانە قۇرعاقشىلىقتان اشتىققا ۇشىراعان مىڭداعان ادامدى ەتپەن قامتاماسىز ەتۋ ءۇشىن جاسالعان. ۇكىمەتتىڭ بۇيرىعىن جانۋارلار قۇقىعىن قورعاۋشىلار قاتتى سىنعا الدى.

زيمبابۆە مەن ناميبيا - قۇرعاقشىلىققا بايلانىستى توتەنشە جاعداي جاريالاعان وڭتۇستىك افريكا ەلدەرى توبىندا.