زەلەنسكي ەۋروكوميسسيا جانە فرانسيا، ۇلى بريتانيا، يتاليا باسشىلارىمەن كەزدەستى
استانا. KAZINFORM - ريم پاپاسىن جەرلەۋ ءراسىمى بارىسىندا ا ق ش پرەزيدەنتى دونالد ترامپپەن كەزدەسكەن سوڭ ۋكراينا پرەزيدەنتى ريمدە فرانسيا پرەزيدەنتى ەمانيۋەل ماكرون، ۇلى بريتانيا پرەمەر-ءمينيسترى كير ستارمەرمەن جۇزدەستى، دەپ حابارلايدى DW.
- ۋكراينا ءسوزسىز اتىستى توقتاتۋعا دايىن. زەلەنسكي بۇگىن وسى ءسوزىن تاعى قايتالادى. ول وسى جوسپاردى جۇزەگە اسىرۋ ءۇشىن امەريكالىقتارمەن جانە ەۋروپالىقتارمەن بىرگە جۇمىس ىستەگىسى كەلەدى، دەپ جازدى بۇگىن ماكرون كەزدەسۋ قورىتىندىسى بويىنشا X الەۋمەتتىك جەلىسىندە.
بريتانيا ۇكىمەتى ستارمەر مەن زەلەنسكي ءادىل جانە مىقتى بەيبىتشىلىك جولىنداعى سوڭعى كۇندەرى بولعان جەتىستىكتەردى تالقىلاعانىن جانە وسى قارقىندى ساقتاۋعا كەلىستى، دەپ حابارلادى.
سونىمەن قاتار زەلەنسكي ەۋروكوميسسيا باسشىسى ۋرسۋلا فون دەر ليايەنمەن كەزدەستى، اڭگىمە جارتى ساعاتقا جۋىق ۋاقىتقا سوزىلعان. وسى كەزدەسۋدەن سوڭ فون دەر ليايەن X الەۋمەتتىك جەلىسىندە ەۋروپا ۋكراينانى بەيبىتشىلىككە ۇمتىلىس جولىندا ءاردايىم قولدايتىنىن جازدى.
ەۋروكوميسسيا باسشىسى سونىمەن قاتار كەزدەسۋ بارىسىندا مەملەكەتتىڭ ەۋروپالىق حالىقتار وتباسىندا ءوزىنىڭ لايىقتى ورنىن الۋ باعىتىندا جاساعان قادامى تالقىلانعانىن دا ايتىپ ءوتتى.
زەلەنسكيي يتاليا پرەمەر-ءمينيسترى دجوردجا مالونيمەن كەزدەسىپ، ءوز كەزەگىندە ول اتىستى ءسوزسىز توقتاتۋعا شاقىرعان.
بۇگىن ترامپ پەن زەلەنسكي ريم پاپاسىن جەرلەۋ الدىندا كەزدەسىپ، ا ق ش پرەزيدەنتى ونى ناتيجەلى بولدى دەپ ءمالىم ەتتى.
