يزرايلدەن ەلگە قايتاتىن رەيستەردىڭ توقتاۋىنا ءبىر ايەل عانا كەيىستىك ءبىلدىردى –س ءى م

سىرتقى ىستەر مينيسترلىگىنىڭ رەسمي وكىلى ايبەك سمادياروۆ يزرايلدەن Air Astana رەيستەرىنىڭ كەيىنگە شەگەرىلۋىنە پىكىر ءبىلدىردى، دەپ حابارلايدى Kazinform اگەنتتىگى.

аэропорт
Фото: Фото: Александр Павский/Kazinform

«جاعداي وتە كۇردەلى. تەك ءبىر ايەل عانا ءوزىنىڭ كەيىستىگىن ءبىلدىردى. كەشە ول ۇشىپ كەتتى. قالعان ازاماتتار تىپ-تىنىش كۇتىپ، Air Astana وپەراتورمەن بايلانىسقا شىعىپ وتىر. ەلشىلىك قۇرعان چاتقا اۋە كومپانياسىنىڭ قىزمەتكەرلەرى دە قوسىلعان»، - دەدى ايبەك سمادياروۆ مينيسترلىكتەگى بريفينگ بارىسىندا.

ونىڭ اتاپ وتۋىنشە، Air Astana كومپانياسىنىڭ دەرەگىنە سايكەس، وننان استام ازاماتىمىز بيلەتتەرىن قايتا برونداپ، باسقا اۋە كومپانيالارىمەن يزرايلدەن ۇشىپ كەتكەن.

«ۇشەۋى قايدا ۇشىپ شىعاتىنىن، نە قالاتىنىن ءالى شەشكەن جوق. كەيبىر جاعدايدا كۇتۋ جونىندە شەشىم قابىلداندى. ياعني، جاعداي بەلگىسىز. ءبىر ادامنىڭ عانا پىكىرىنە ارقا سۇيەۋ دۇرىس ەمەس. نەگىزىنەن، العاشقى كۇننەن-اق جاعداي باقىلاۋدا. ءبىر عانا جايت، اتاپ وتكەنىمدەي ازاماتتارىمىز كونسۋلدىق ەسەپكە تۇرمايدى. ال ازاماتتارىمىزدى ىزدەپ تابۋعا ۋاقىت كوپ كەتەدى. تەك ستۋدەنتتەرىمىزدىڭ وزىنە قوڭىراۋ شالۋعا ءبىر كۇن كەتتى. ولار ەسەپكە تۇرماعان. ال شۇعىل جاعدايدا ءار مينۋت ساناۋلى بولادى»، - دەدى رەسمي وكىل.

سوڭعى جاڭالىقتار