يزرايلدە كونسۋلدىق ەسەپتە قازاقستاننىڭ 112 ازاماتى بار – س ءى م
يزرايلدە كونسۋلدىق ەسەپتە قازاقستاننىڭ 112 ازاماتى بار. بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ ايتتى، دەپ حابارلايدى قازاقپارات ءتىلشىسى.
«بۇگىنگى تاڭدا قازاقستاننىڭ يزرايلدەگى ەلشىلىگىندە كونسۋلدىق ەسەپكە ەلشىلىك قىزمەتكەرلەرى مەن ولاردىڭ وتباسى مۇشەلەرىن قوسا العاندا 77 ازامات تىركەلگەن. يزرايلدىڭ جوعارى وقۋ ورىندارىندا قازاقستاننىڭ بەس ستۋدەنتى وقيدى. سونداي-اق وتىزعا جۋىق قازاقستاندىق جەرگىلىكتى ءتۇرلى مەديتسينالىق مەكەمەلەردە تاعلىمدامادان ءوتىپ جاتىر. بارلىعى - 112 ادام. تەل-اۆيۆتەگى ديپلوماتتارىمىز يزرايلدەگى قازاقستان ازاماتتارىمەن تۇراقتى بايلانىستا جانە ولارمەن جەدەل ءىس-قيمىل جاساۋ ماقساتىندا ارنايى مەسسەندجەردە چات اشتى»، - دەدى ول مينيسترلىكتەگى بريفينگ بارىسىندا.
ونىڭ اتاپ وتۋىنشە، قازىرگى ۋاقىتتا اتالعان چاتقا يزرايلدە ۋاقىتشا جانە تۇراقتى تۇراتىن ەكى جۇزگە جۋىق قازاقستان ازاماتى قوسىلعان.
