يزرايلدە حاماس شابۋىلىنان قازا تاپقاندار سانى 700 گە جەتتى

 جەكسەنبى كۇنى كەشكە يزرايلدىك ب ا ق قاندى قاقتىعىستاردىڭ ەكىنشى كۇنى پالەستينا يسلامدىق قارسىلاسۋ قوزعالىسىنىڭ (حاماس) يزرايلگە بۇرىن-سوڭدى بولماعان جانە توسىن شابۋىلىنان قازا تاپقاندار سانىنىڭ 700 گە جەتكەنىن حابارلادى. سونىمەن قاتار، گازا سەكتورىندا دا جۇزدەگەن ادام قازا تاپتى، دەپ حابارلايدى قازاقپارات بۇل تۋرالى شينحۋا اگەنتتىگىنە سىلتەمە جاساپ. 

新一轮巴以冲突
Фото: Фото: TPS

يزرايلدىڭ مەملەكەتتىك تەلەارناسى ۇكىمەت شەنەۋنىكتەرىنە سىلتەمە جاساپ، حاماس-تىڭ ءبولىنۋ توسقاۋىلىن بۇزىپ ءوتىپ، جاقىن ماڭداعى ەلدى مەكەندەرگە جاساعان بىرلەسكەن شابۋىلىنان كەمىندە 700 ادام قازا تاپقانىن حابارلادى. سونىمەن بىرگە گازادان يزرايلدىڭ وڭتۇستىك جانە ورتالىق ايماقتارىنا 3 مىڭعا جۋىق زىمىران اتىلعان.

جەكسەنبى كۇنى كەشكە يزرايلدىڭ دەنساۋلىق ساقتاۋ مينيسترلىگى يزرايل اۋرۋحانالارىنداعى جارالانعاندار سانىن جاڭارتتى، كەمىندە 2243 ادامنىڭ جارالانعانىن، ونىڭ 22 سى اۋىر حالدە ەكەنىن حابارلادى.

ەۆرەي مەملەكەتىنىڭ اسكەرى جاعدايدى ءالى تولىق باقىلاۋدا ۇستاماعان يزرايلدىڭ وڭتۇستىگىندە حاماس سودىرلارى گازا ماڭىنداعى بىرنەشە ەلدى مەكەندە يزرايلدىك ساربازدارمەن وق الماسۋدى جالعاستىرۋدا.

يزرايل قورعانىس كۇشتەرىنىڭ لوگيستيكالىق قولباسشىلىعى وڭتۇستىك ايماقتاردىڭ تۇرعىندارىن ۇيدەن شىقپاۋعا شاقىردى.

وسى ۋاقىتتا گازاداعى پالەستينا دەنساۋلىق ساقتاۋ مينيسترلىگى تاراتقان مالىمدەمەگە قاراعاندا، يزرايلدىڭ گازاداعى اۋە شابۋىلدارى كەم دەگەندە 370 پالەستينالىقتى ءولتىرىپ، تاعى 2200 دى جارالاعان.

سوڭعى جاڭالىقتار