يزرايل يرانعا اۋە شابۋىلىن باستادى

استانا. KAZINFORM - يزرايل اسكەريلەرى يرانداعى اسكەري نىساندارعا «ءدال سوققى» جاساپ جاتقانىن مالىمدەدى، دەپ BBC News.

تۇنگى ساعات 2-لەر شاماسىندا ساحال «يرانداعى رەجيمنىڭ يزرايلگە قارسى ۇزدىكسىز شابۋىلدارى» دەپ اتاعانىنا جاۋاپ رەتىندە «يرانداعى اسكەري نىساندارعا ءدال سوققىلار جاساپ جاتقانىن» ايتتى.

يزرايل اسكەرىنىڭ يرانعا جاۋابى تەگەران 1-قازاندا يزرايلگە جاپپاي شابۋىل جاساپ، 200-گە جۋىق بالليستيكالىق زىمىران اتۋدان كەيىن جوسپارلانعان بولاتىن. بۇل يران قولدايتىن ليۆاندىق شيتتىك «حەزبوللا» توبىنىڭ جەتەكشىسى حاسان ناسراللانىڭ ولتىرىلۋىنە جاۋاپ رەتىندە جاسالدى. ول يزرايلدىكتەردىڭ بەيرۋتتەگى حەزبوللانىڭ شتاب-پاتەرىنە جاساعان سوققىسىنان قازا تاپتى.

يزرايلدىڭ جاۋاپ رەتىندەگى شابۋىلىنىڭ اۋقىمى ءالى انىق ەمەس. ءبىراق يزرايلدىڭ قوعامدىق تەلەارناسى ونداعان جويعىش ۇشاق يراننىڭ اسكەري نىساندارىنا سوققى جاساعانىن ايتتى، دەپ حابارلادى Reuters.

يراننىڭ Fars اقپارات اگەنتتىگى تەگەراننىڭ باتىسى مەن وڭتۇستىك- باتىسىنداعى بىرنەشە اسكەري بازا يزرايلدىڭ اتقىلاۋىنا ۇشىراعانىن راستادى.

نىساندارعا ەنەرگەتيكالىق ينفراقۇرىلىم نەمەسە يادرولىق نىساندار كىرگەن جوق، دەپ حابارلايدى NBC News جانە ABC News يزرايلدىك شەنەۋنىككە سىلتەمە جاساپ.

يزرايلدىڭ 12 تەلەارناسىنىڭ حابارلاۋىنشا، يزرايلدىڭ سوققىلارىنىڭ نەگىزگى نىساناسى - يران قورعانىس ونەركاسىبىنىڭ ورتالىق اسكەري نىساندارى، سونىڭ ىشىندە زىمىران زاۋىتتارى، ۇشقىشسىز ۇشاقتاردى ازىرلەۋ جانە ءوندىرۋ نىساندارى جانە بالليستيكالىق زىمىرانداردى ۇشىرۋ بازالارى.

يراننىڭ مەملەكەتتىك تەلەارناسى تەگەران ماڭىندا «كۇشتى جارىلىس» بولعانىن حابارلادى.

دەرەكتەر تاراپ كەتكەننەن كەيىن يزرايل يرانعا قارىمتا قايتارۋدى كەيىنگە قالدىرعانىن جازعان بولاتىنبىز.