يزرايل ب ۇ ۇ-نىڭ پالەستينا اۋماعىنداعى ۇيلەستىرۋشىسىن ەلدەن شىعارماق
يزرايلدىڭ سىرتقى ىستەر ءمينيسترى ەلي كوەن ب ۇ ۇ-نىڭ پالەستينا اۋماعىنداعى گۋمانيتارلىق ماسەلەلەر جونىندەگى ۇيلەستىرۋشىسى لينن حەيستينگستىڭ ەلدە تۇرۋ ىقتيارحاتىن الىپ تاستايتىنىن مالىمدەدى، دەپ حابارلايدى Kazinform اگەنتتىگى BBC جاڭالىقتارىنا سىلتەمە جاساپ.
ءبىز بۇدان بىلاي ب ۇ ۇ-نىڭ ءبىرجاقتىلىعىنا ءۇنسىز قاراپ وتىرا المايمىز! حاماس-تى 1200 يزرايلدىكتى قاتىگەزدىكپەن ولتىرگەنى ءۇشىن، سابيلەر مەن قارتتاردى ۇرلاعانى ءۇشىن، جان تۇرشىگەرلىك قورلاۋ مەن زورلاۋ ءۇشىن، گازا تۇرعىندارىن ءتىرى قالقان رەتىندە پايدالانعانى ءۇشىن ايىپتاعاننىڭ ورنىنا ءوز ازاماتتارىن قورعايتىن دەموكراتيالىق ەل يزرايلدى كىنالاعان ادام ب ۇ ۇ-دا قىزمەت ەتە المايدى جانە يزرايلگە كىرە المايدى! - دەپ جازدى يزرايل س ءى م باسشىسى X الەۋمەتتىك جەلىسىندە.
كانادالىق لينن حەيستينگس ب ۇ ۇ وكىلى رەتىندە يزرايلدى گازا سەكتورىنداعى ارەكەتتەرى ءۇشىن ۇنەمى سىنعا الدى جانە يزرايلدى حاماس-پەن قاتار حالىقارالىق قۇقىقتى ساقتاۋعا شاقىردى.
يزرايلدىڭ حەيستينگس ۆيزاسىن ۇزارتپاۋ نيەتى تۋرالى ب ۇ ۇ-عا حابارلاعانىن ب ۇ ۇ باس حاتشىسىنىڭ باسپا ءسوز قىزمەتى جۋرناليستەرگە وتكەن اپتادا ايتتى.
