يزرايل گازاداعى كولەمى جاعىنان ەكىنشى سانالاتىن حان-يۋنۋس قالاسىن باقىلاۋعا الدى
استانا. KAZINFORM - يزرايل اسكەرى گازا سەكتورىنداعى كولەمى جاعىنان ەكىنشى سانالاتىن حان-يۋنۋس قالاسىن «ماگەن وز» دەپ اتالعان ءدالىزدىڭ كومەگىمەن باقىلاۋعا العانىن مالىمدەدى.
بۇل تۋرالى انادولى حابارلادى.
اسكەريلەردىڭ مالەمدەمەسىندە قالانى شىعىستان باتىسقا قاراي كەسىپ وتەتىن 15 كيلومەترلىك ءدالىزدىڭ قۇرىلىسى اياقتالعانى ايتىلعان. سونداي-اق ولاردىڭ ايتۋىنشا، جاياۋ اسكەر مەن تانكىگە قارسى بولىمشەلەردىڭ قولداۋىمەن سالىنعان ءدالىز الداعى شابۋىلدار بارىسىندا شەشۋشى ءرول اتقارادى.
اسكەريلەر جاريالاعان ۆيدەولار مەن سۋرەتتەردە «ماگەن وز» ءدالىزىنىڭ رافاح پەن حان-يۋنۋستى ءبولىپ تۇرعان جانە وسىعان دەيىن سالىنعان «موراگ» دالىزىمەن جالعاساتىنىن كورۋگە بولادى.
جەرگىلىكتى ب ا ق وكىلدەرى تەل-اۆيۆتىڭ بۇل ءدالىزدى اتىستى توقتاتۋ ءۇشىن بولاتىن كەلىسسوزدەر بارىسىندا قىسىم كورسەتۋ قۇرالى رەتىندە قولداناتىنىن ايتىپ جاتىر.
وسىعان دەيىن يزرايل شابۋىلدارى سالدارىنان گازادا ءبىر تاۋلىكتە 110 پالەستينالىق قازا تاپقانى تۋرالى جازدىق.
