يزرايل گازا سەكتورىنا سوققى جاسادى

يزرايل اسكەرى گازا سەكتورىنىڭ ورتالىعىنداعى بوسقىندار ورنالاسقان مەكتەپكە شابۋىل جاسادى. سالدارىنان 30 دان استام ادام قازا تاۋىپ، مىڭداعان تۇرعىن جاراقات الدى.

Газада құрбан болған палестиналықтар саны 36,43 мыңға жетті
Фото: Анадолы

بۇل پالەستينالىقتار ءۇشىن تاعى ءبىر اۋىر سوققى بولدى. ءيزرايلدىڭ ارەكەتىن بىرىككەن ۇلتتار ۇيىمى قاتتى ايىپتادى. نۋسەيرات مەكتەبى گازاداعى بوسقىندار پانالاعان جالعىز قاۋىپسىز جەر. شابۋىلعا دەيىن عيماراتتا 6 مىڭ ادام بولدى. ولاردىڭ دەنى ايەلدەر مەن بالالار. رەسمي اقپاراتقا سۇيەنسەك، كۇتپەگەن شابۋىل كەزىندە 33 ادام، ونىڭ ىشىندە 14 بالا، 9 ايەل وقيعا ورنىندا جان تاپسىردى.

ماحا يسسا، گازا تۇرعىنى:

- شابۋىل كەزىندە ءبىز مەكتەپتىڭ ىشىندە بولدىق. زىمىران داۋىسىن ەستىگەن كەزدە نە ىستەرىمىزدى بىلمەي ابدىراپ قالدىق. ءبىر مەزەتتە سىنىپتاردىڭ ورتەنىپ جاتقانىن بايقادىم. بۇلاي بولادى دەپ كۇتپەدىك. ەسكەرتۋ جاساعاندا، ءبىز تەز ارادا باسقا جەرگە كوشەر ەدىك قوي. بۇل شابۋىل تۋرالى بەيبىت تۇرعىندار الدىن- الا بىلگەن جوق. ال بۇعان قاتىستى يزرايل نە دەيدى؟

دانيەل حاگاري، يزرايل قورعانىس اسكەرىنىڭ رەسمي وكىلى:

- حاماس اسكەرى وسى نىساندا جاسىرىنىپ وتىر. ولار شابۋىلدارىن جوسپارلاۋعا جانە ىسكە اسىرۋعا وسى مەكتەپتى پايدالاندى. ءبىز بارلاۋ اسكەرىنىڭ مالىمەتىنە سۇيەنىپ، حاماس- تىڭ 20-30 ادامىنا اۋەدەن شابۋىل جاسادىق. سونداي- اق يزرايل تاراپى بۇل شابۋىلدى جوسپارلانعان ۋاقىتىنان ەكى رەت كەيىنگە شەگەرگەنىن مالىمدەدى. وعان سەبەپ ايەلدەر مەن بالالاردىڭ بار- جوعىن جاقسىلاپ تەكسەردىك دەيدى.

الايدا بولعان وقيعا يزرايلدى اقتاپ الۋعا سەبەپ ەمەس. بۇل رەتتە بىرىككەن ۇلتتار ۇيىمى بۇل تاعى ءبىر تراگەديا دەپ، ءيزرايلدى قاتتى ايىپتادى.

دجۋلەتتا تۋما، ب ۇ ۇ الەۋمەتتىك ماسەلەلەر جونىندەگى وكىلى:

- بۇل گازا تۇرعىندارى ءۇشىن ەڭ اۋىر كەزەڭ بولدى. تاعى ءبىر سۇمدىق شابۋىلدىڭ كۋاسى بولدىق. يزرايل بولعان وقيعاعا ءوز مالىمدەمەسىن جاسادى. سەبەبىن ءتۇسىندىردى. دەگەنمەن، وعان سەنۋ قيىن. يزرايل تاراپىنان شابۋىل ۇدەگەن سايىن، گازاداعى گۋمانيتارلىق احۋال ۋشىعىپ بارادى. شەكاراداعى بارلىق وتكىزۋ پۋنكتتەرى جابىق بولعاندىقتان، كومەك اۋەدەن ءتۇسىپ جاتىر. ا ق ش پەن ءبىرقاتار مەملەكەت بىرىگىپ، يزرايل مەن حاماس- تى ىمىراعا كەلۋگە شاقىراتىن مالىمدەمە جاريالاعان ەدى. الايدا قاقتىعىستىڭ توقتاۋى ەكىتالاي.

فاريزا جانعانايەۆا

https://24.kz

سوڭعى جاڭالىقتار