يزرايل ارمياسى د د ۇ كونۆويىنا وق جاۋدىردى
استانا. KAZINFORM - يزرايل قورعانىس كۇشتەرىنىڭ ەكى تانكى گازا سەكتورىندا دۇنيەجۇزىلىك دەنساۋلىق ساقتاۋ ۇيىمى باسقارعان كونۆويعا شابۋىل جاسادى. بۇل تۋرالى د د ۇ باسشىسى تەدروس ادانوم گەبرەيسۋس الەۋمەتتىك جەلىدەگى پاراقشاسىندا حابارلادى.
ونىڭ ايتۋىنشا، وقيعا 14-قىركۇيەكتە د د ۇ كونۆويى گازا سەكتورىنىڭ سولتۇستىگىندەگى ميسسيادان قايتىپ كەلە جاتقاندا بولعان. كولىكتەر رۇقسات العاننان كەيىن باقىلاۋ-وتكىزۋ پۋنكتىنەن وتكەندە يزرايل تانكتەرىنە تاپ بولعان.
- كولوننا ماڭىندا تانكتەر وق جاۋدىردى. ابىروي بولعاندا، ەشكىم زارداپ شەككەن جوق. بۇل قابىلداي المايتىن جاعداي، - دەپ جازدى گەبرەيسۋس.
قوسا كەتەيىك، د د ۇ گازاداعى ەڭ ۇلكەن اۋرۋحانا قورىمعا اينالعانىن ايتقان بولاتىن.
سونداي-اق يزرايلدىڭ گازا سەكتورىنداعى مەكتەپكە جاساعان سوققىسىنان 18 ادام، ونىڭ ىشىندە 6 ب ۇ ۇ قىزمەتكەرى قازا تاپقانىن جازدىق.
