ۆيزاسىز رەجيم ەنگىزىلىپ، شەكتەۋلەردىڭ بارلىعى الىندى - قازاقستانداعى قىتاي ەلشىسى

قازاقستان - قىتاي 2030 -جىلعا قاراي تاۋار اينالىمى 40 ميلليارد دوللارعا جەتۋى مۇمكىن بيىل 10-قاراشادا قازاقستان مەن قىتاي ازاماتتارى ءۇشىن ۆيزاسىز رەجيم كۇشىنە ەندى. بۇل - ازاماتتار ءۇشىن ەرەكشە ماڭىزى بار ەكى مەملەكەت باسشىلارىنىڭ ماڭىزدى شەشىمى. كۇردەلى فورمالدىلىقتار مەن بيۋروكراتيالىق كەدەرگىلەردىڭ جويىلۋىنان سوڭ، نە وزگەردى؟ قىتاي حالىق رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى جاڭ شياۋ ءوز كوزقاراسىمەن ءبولىستى، دەپ حابارلايدى Kazinform.

«قازاقستان ءۇشىن قىتاي - ەكىنشى ەكونوميكالىق الەم. بۇل - شەكسىز مۇمكىندىكتەرى بار ۇلكەن نارىق. ول دەگەنىمىز ءىرى كاسىپكەرلەر، شاعىن جانە ورتا بيزنەس، جاستار، تۋريزم، تاعى سول سياقتى. ۆيزاسىز رەجيم ەنگىزىلىپ، شەكتەۋلەردىڭ بارلىعى الىنىپ تاستالدى، بۇل قىتاي ءۇشىن دە ماڭىزدى. كاسىپكەرلەرگە بۇل جاقتان سەرىكتەستەر تابۋ جانە بيزنەس قۇرۋ ەندى وڭاي. بۇل ەكونوميكاعا وڭ اسەر ەتەدى»، - دەدى ەلشى جاڭ شياۋ.

ودان بولەك، ەلشى قىتاي مەن قازاقستاننىڭ ەكونوميكالىق ءوزارا ءىس-قيمىلى تۋرالى ايتا كەلە، بيىل 10 ايدا ەكى ەلدىڭ تاۋار اينالىمى 32,7 ميلليارد دوللارعا جەتكەنىن مالىمدەدى. بۇل - وتكەن جىلدىڭ 10 ايىمەن سالىستىرعاندا ۇشتەن بىرىنە جۋىعى.

«جىل سوڭىندا ديناميكانى ارتتىرىپ 37-38 ميلليارد دوللارعا رەكوردتى جاڭارتاتىن بولامىز. وتكەن جىلدىڭ باسىندا ءبىزدىڭ ەلدەرىمىزدىڭ باسشىلارى بەيجىڭدەگى كەزدەسۋ بارىسىندا 2030 -جىلعا قاراي تاۋار اينالىمىن 40 ميلليارد دوللارعا جەتكىزۋ مىندەتىن قويدى. اعىمداعى قارقىنمەن جانە تاۋار اينالىمىنىڭ وسۋىمەن ءبىز بۇل مىندەتتى كەلەسى جىلى ءدال ورىندايمىز. ەكى ەلدىڭ كوشباسشىلارىنىڭ جاڭا تاپسىرمالارى جاڭا مىندەتتەر جۇكتەيدى، بۇل ەكى ەل ءۇشىن دە ءتيىمدى بولادى دەپ ويلايمىن»، - دەدى جاڭ شياۋ.