ۆيتسە- مينيستر قولما-قول اقشاسىز ساۋدا جاساۋدى ادەتكە اينالدىرعان قازاقستاندىقتارعا كەڭەس بەردى

мобильді аударым
Фото: ҚР Қаржы министрлігі

  قارجى ۆيتسە-ءمينيسترى ەرجان ءبىرجانوۆ قولما-قول اقشاسىز ساۋدا جاساۋدى ادەتكە اينالدىرعان قازاقستاندىقتارعا كەڭەس بەردى، دەپ Kazinform.

«موبيلدى تولەمدى QR- كود ارقىلى ەمەس، اۋدارىم ارقىلى تولەپ ۇيرەنىپ قالعان قازاقستاندىقتارعا قانداي كەڭەس بەرەسىز. قىزمەتتى نەمەسە تاۋاردى كەدەرگىسىز الۋ ءۇشىن قايتادان بۇرىنعىداي قالتاسىنا قولما-قول اقشا سالىپ ءجۇرۋ كەرەك پە؟» - دەپ سۇرادى جۋرناليست.

ۆيتسە-ءمينيستردىڭ ايتۋىنشا، ونلاين تولەم جاساۋ ءتارتىبى وزگەرەدى ەكەن دەپ قولما-قول اقشا سالىپ ءجۇرۋدىڭ قاجەتى جوق.

«تۇتىنۋشى رەتىندە ايتاتىن بولساق تۇتىنۋشىلارعا قالتاڭىزعا قاعاز اقشا سالىپ ءجۇرۋ كەرەك دەپ ايتپايمىن. ويتكەنى تۇتىنۋشى رەتىندە تالاپتى مەن قويامىن عوي. ەگەر اقشاسىز تولەم جاسايمىن دەسەم، جەكە كابينەتىمدە كورسەتەمىن. مىسالى، تاكسي جۇرگىزۋشى اۋدارىم ارقىلى تولەم جاسامايتىنىمدى بىلگەندىكتەن تاسىمالداۋدان باس تارتسا، 2 مينۋتتا باسقا اپارۋشى كەلەدى. ءوزىڭىز بىلەسىز، قازىر بىزدە باسەكەلەستىك دامىپ جاتىر. بۇل بىرىنشىدەن.

ەكىنشىدەن، ەگەر تاكسي جۇرگىزۋشى تەك قانا قولما-قول اقشا نەمەسە موبيلدى اۋدارىم تالاپ ەتىپ تۇرىپ السا، ونىڭ وپەراتورىنان دا سۇراقتار تۋىنداۋى مۇمكىن. ولاردىڭ بەلسەندىلىك رەيتينگتەرى بار دەگەندەي. سوندىقتان زاڭدى تۇردە سالىق تولەيتىن ادامداردىڭ قىزمەتىن تاڭداۋعا كەڭەس بەرەتىن ەدىم.

ءبىز وپەراتورلارمەن مەموراندۋم جاساپ، كەلىسىپ جاتىرمىز. «اگەنتتىك» دەگەن ۇعىم كىرگىزەمىز. مىسالى، وپەراتورلار تاكسيدىڭ قۇنىنا تاسىمالداۋشىدان الاتىن سالىق مولشەرىن قوسىپ ەسەپتەسە، كولىك يەسى سالىققا باس اۋىرتپايتىن بولادى. ونىڭ سالىق ورگاندارىمەن ەشقانداي بايلانىسى بولمايدى. وسى ءتاسىل باسقا دا قىزمەتتەرگە، ساتۋشىلارعا قولدانىلۋى مۇمكىن. بۇل قولداۋ تاۋىپ جاتىر. جاڭا سالىق كودەكسىندە وسىنداي نورمالار بولادى»، - دەدى ەرجان ءبىرجانوۆ.

ۆيتسە-مينيستر بازارداعى ساتۋشىلار قولما-قول اقشا نەمەسە موبيلدى اۋدارىم تالاپ ەتسە، زاڭدى تۇردە جۇمىس ىستەيتىن باسقا ساتۋشىلاردى تاۋىپ الىپ، قاجەتتى تاۋاردى سولاردان ساتىپ الۋ مۇمكىندىگى بار ەكەنىن ەسكە سالدى.

سوڭعى جاڭالىقتار