ىستانبۇلدا رەسەي مەن ۋكراينا اراسىنداعى ءۇشىنشى كەلىسسوز راۋندى اياقتالدى

استانا. KAZINFORM - تاراپتاردىڭ تولىق قۇرامداعى كەزدەسۋى ماسكەۋ ۋاقىتىمەن 20:37 دە باستالىپ، 40 مينۋتقا سوزىلدى، دەپ حابارلايدى ت ا س س اگەنتتىگى.

- ەڭ باستىسى: الماسۋ تەك اسكەري قىزمەتكەرلەرمەن شەكتەلمەي، ازاماتتىقتاردى دا قامتيدى، - دەدى ت ا س س اگەنتتىگىنىڭ اقپارات كوزى.

ونىڭ ايتۋىنشا، تولىق قۇرامداعى قاتىسۋشىلار كەلىسسوزگە 20:37-دە (استانا ۋاقىتىمەن 22:37) جينالىپ، شامامەن 40 مينۋت بويى اڭگىمەلەستى.

16-مامىردا وتكەن العاشقى راۋندتىڭ ناتيجەسىندە تاراپتار «1000 عا 1000» فورمۋلاسى بويىنشا تۇتقىندار الماسۋعا كەلىسىپ، داعدارىستى ەڭسەرۋدىڭ ءتۇرلى اسپەكتىلەرى بويىنشا مەموراندۋمدار ۇسىنۋعا ۋاعدالاستى.

بۇعان دەيىن رەسەي مەن ۋكراينا كەلىسسوز وتكىزەتىن چيراگان سارايىندا قاۋىپسىزدىك شارالارى كۇشەيتىلگەنى بەلگىلى بولدى.

19-شىلدەدە ۋكراينا رەسەيگە كەلىسسوزدەردى كەلەسى اپتادا جاڭعىرتۋدى ۇسىنعان ەدى.

كەيىننەن رەسەيمەن كەلىسسوز بارىسىندا ۋكراين دەلەگاتسياسىن رۋستەم ۋمەروۆ باسقاراتىنى ايتىلدى.

رەسەي فەدەراتسياسى پرەزيدەنتىنىڭ باسپا ءسوز حاتشىسى دميتري پەسكوۆ رەسەي دەلەگاتسياسى ۋكراينامەن تىكەلەي كەلىسسوزدەردىڭ ءۇشىنشى راۋندىنا قاتىسۋ ءۇشىن ىستانبۇلعا اتتانعانىن مالىمدەدى.