يسپانيالىق كلۋب باقتيەر زاينۋتدينوۆقا ۇسىنىس جاسادى
استانا. KAZINFORM - تۇركيالىق «بەشيكتاش» فۋتبول كلۋبىنىڭ جانە قازاقستان قۇراماسىنىڭ جارتىلاي قورعاۋشىسى باقتيەر زاينۋتدينوۆ مانسابىن يسپانيا چەمپيوناتىندا جالعاستىرۋى مۇمكىن. بۇل تۋرالى Sports.kz حابارلادى.

جۋرناليست سەردار سارىداگتىڭ حابارلاۋىنشا، يسپانيانىڭ لا ليگاسىندا وينايتىن «رەال ۆاليادوليد» فۋتبول كلۋبى ىستانبۇل كلۋبىنا زاينۋتدينوۆتى جالعا بەرۋ تۋرالى ۇسىنىس جاساعان. ءوز كەزەگىندە بەشيكتاش باسشىلىعى مىندەتتى ساتىپ الۋ وپتسياسى بار ۇسىنىسقا اشىق بولاتىنىن ايتتى.
حابارلانعانداي، «بەشيكتاش» زاينۋتدينوۆتى مىندەتتى ساتىپ الۋسىز جالعا الۋ مۇمكىندىگىن قاراستىرمايدى.
بيىلعى ماۋسىمدا قازاقستاندىق فۋتبولشى تۇركيالىق كلۋب كوماندا ساپىندا 12 ويىن وتكىزىپ، ءبىر ناتيجەلى پاس بەردى.
ايتا كەتەيىك، «رەال ۆاليادوليد» كومانداسى XXI تۋردان كەيىن لا ليگادا سوڭعى 20-ورىندا تۇر.
ەسكە سالساق، بۇعان دەيىن قازاقستان ۇلتتىق قۇراماسى باس باپكەرىنىڭ مىندەتىن ۋاقىتشا اتقارۋشى بولىپ وتاندىق مامان ءالي اليەۆ تاعايىندالعانىن حابارلاعان ەدىك.