يسپانيادا توتەنشە جاعداي رەجيمى ەنگىزىلۋى مۇمكىن
استانا. KAZINFORM - يسپانيا ۇكىمەتى ەلدە توتەنشە جاعداي رەجيمىن ەنگىزۋ مۇمكىندىگىن قاراستىرىپ جاتىر.
بۇل شارا ەلدىڭ ەۋروپالىق ىنتىماقتاستىق قورىنان كومەك الۋ پروتسەسىن جەدەلدەتۋگە ىقپال ەتەدى دەپ ۇمىتتەنەدى. يسپانيانىڭ پرەمەر- ءمينيسترى پەدرو سانچەس قىركۇيەك ايىنداعى عاسىردىڭ ەڭ اۋىر سۋ تاسقىنى دەپ تانىلعان اپات سالدارىنان زارداپ شەككەن اۋدانداردى قالپىنا كەلتىرۋگە قارجى سۇرادى، دەپ حابارلايدى Euronews اگەنتتىگى.
«مەن قابىلدانىپ جاتقان شارالاردىڭ جەتكىلىكسىز ەكەنىن بىلەمىن. رەسۋرستاردىڭ جەتىسپەۋشىلىگىنەن، قىزمەتتەردىڭ بۇزىلۋىنان، بالشىق استىندا قالعان قالالاردان، جاقىندارىن ىزدەپ جۇرگەن تۇرعىنداردىڭ جاعدايىنان حاباردارمىن. ءبىز جۇمىسىمىزدى كۇشەيتۋىمىز كەرەك، ءبارىمىز بىرىگىپ ارەكەت ەتۋىمىز كەرەك ەكەنىن بىلەمىن»، - دەدى پەدرو سانچەس.
ۆالەنسيا ايماعى ستيحيادان ەڭ كوپ زارداپ شەككەندىكتەن، ۇكىمەت بەيبىت ۋاقىتتا العاش رەت اۋقىمدى اسكەري قىزمەتتى كومەككە جىبەردى.
قازىرگى تاڭدا ءىز- ءتۇزسىز جوعالعان ادامدار ىزدەستىرىلىپ جاتىر. قۇتقارۋشىلار سۋعا باتىپ كەتكەن كولىكتەر مەن عيماراتتاردى ىزدەپ، قوقىستاردى تازالاۋ جالعاسىپ جاتىر.
توتەنشە اۋا رايى ەسكەرتۋلەرى يسپانيانىڭ سولتۇستىك- شىعىسىندا جانە وڭتۇستىگىندە جەكسەنبىگە دەيىن كۇشىندە بولادى. سەنبىدە بيلىك بالەار ارالدارىندا، سونداي-اق كاتالونيادا قاتتى جاڭبىر قاۋپى تۋرالى ەسكەرتتى.
سوڭعى دەرەكتەرگە ساي، اپات سالدارىنان قازا تاپقاندار سانى 211 ادامعا جەتتى.
